ឥណ្ឌា៖ មនុស្សជាង២៥លាននាក់នៅទូទាំងរដ្ឋ Rajasthan របស់ប្រទេសឥណ្ឌាបានប្រឈមមុខនឹងការរឹតត្បិតនិងបិទអ៊ឺនធឺណេតដោយរដ្ឋាភិបាល កាលពីថ្ងៃអាទិត្យ ក្នុងកិច្ចខិតខំប្រឹងប្រែង ដើម្បីទប់ស្កាត់ការលួចចម្លងក្នុងការប្រឡងដ៏ធំមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបេក្ខជនរាប់សែននាក់បានចូលរួមការប្រឡងជ្រើសរើសគ្រូបង្រៀនរដ្ឋ Rajasthan ដែលជាវិញ្ញាសារមួយ ដែលនឹងបើកផ្លូវទៅរកការងារធ្វើជាគ្រូបង្រៀនបឋមសិក្សាឬអនុវិទ្យាល័យនៅសាលាដែលគ្រប់គ្រងដោយរដ្ឋាភិបាល។ វាជាមុខតំណែងដែលគេចង់បាន ដែលផ្ដល់អត្ថប្រយោជន៍យ៉ាងច្រើន ហើយការប្រឡងមិនត្រូវបានធ្វើឡើងនៅរដ្ឋ Rajasthan ចាប់តាំងពីឆ្នាំ២០១៨មក ដែលអាចជាហេតុផលមួយ ដែលមានបេក្ខជនយ៉ាងច្រើន កាលពីថ្ងៃអាទិត្យ។
មណ្ឌលប្រឡងរាប់ពាន់ត្រូវបានរៀបចំឡើងនៅទូទាំងរដ្ឋ ដោយប្រជាជនធ្វើដំណើរពីស្រុកកំណើតរបស់ពួកគេតាមរថយន្តក្រុងឥតគិតថ្លៃ ដែលរៀបចំដោយរដ្ឋាភិបាល។ ប៉ុន្តែក៏មានការរឹតត្បិតលើការលួចចម្លងនៃការប្រឡងសរសេរ ដែលធ្លាប់រីករាលដាលនាពេលកន្លងមក ដូច្នេះអាជ្ញាធរបានបញ្ជាឲ្យស្រុកនានា រឹតបន្តឹងប្រព័ន្ធអ៊ីនធឺណេត ដើម្បីការពារការបែកធ្លាយវិញ្ញាសារ។ យ៉ាងហោចណាស់ ស្រុកចំនួន១០បានបិទអ៊ឺនធឺណេតចល័ត។
នៅស្រុក Jaipur ដែលមានប្រជាជនច្រើនបំផុតរបស់រដ្ឋនេះ ចំនួនជាង៦.៦លាននាក់ អ៊ីនធឺណេតត្រូវបានបិទចាប់ពីម៉ោង៨ព្រឹកដល់ម៉ោង៥ល្ងាច។ ស្រុកធំៗផ្សេងទៀត រួមមាន Alwar, Nagaur, Sikar និង Ajmer ក៏បានដាក់ចេញនូវការបិទអ៊ឺនធឺណេតជាបណ្ដោះអាសន្នផងដែរ ដោយសរុបទៅ មនុស្សជាង២៥.២លាននាក់ត្រូវបានប៉ះពាល់។ បើយោងតាមរបាយការណ៍អង្កេត រដ្ឋ Rajasthan មានប្រជាជនជាង៦៨លាននាក់។
វិធានការទប់ស្កាត់ការលួចចម្លងផ្សេងទៀតរួមមាន កាមេរ៉ាសុវត្ថិភាពដែលបានបំពាក់នៅតាមមណ្ឌលប្រឡងទាំងអស់។ បេក្ខជនមិនត្រូវបានអនុញ្ញាត ឲ្យយកចូលម៉ាសពាក់ពីខាងក្រៅនោះឡើយ។ បន្ទាប់ពីមកដល់មណ្ឌលប្រឡង ពួកគេត្រូវបោះចោលម៉ាសដែលបានយកមក បន្ទាប់មកប្រើម៉ាសដែលមណ្ឌលប្រឡងផ្ដល់ជូន៕
ប្រភព: CNN