ចិន៖ យើងដឹងហើយថា ក្រុមហ៊ុន Apple បានធ្វើការប្រកាសបង្ហាញទូរសព្ទជំនាន់ចុងក្រោយរបស់ខ្លួន គឺសេរ៊ី iPhone 13 កាលពីថ្ងៃទី១៤ ខែកញ្ញា (ត្រូវនឹងថ្ងៃទី១៥ នៅកម្ពុជា)។ យ៉ាងណាមិញ អ្នកគាំទ្រផលិតផលរបស់ Apple កំពុងទន្ទឹងរង់ចាំការមកដល់សែស្រឡាយទូរសព្ទ iPhone នេះដូចគ្នា ហើយក៏បានធ្វើការបញ្ជាទិញទុកជាមុនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្មានថ្ងៃចុងក្រោយនេះ សេរ៊ី iPhone 13 ត្រូវបានបញ្ចេញលក់ ទើបធ្វើឲ្យអតិថិជនរបស់ Apple នាំគ្នាសម្រុកចូលទិញទូរសព្ទជំនាន់ចុងក្រោយនេះ យ៉ាងភ្លូកទឹកភ្លូកដី។ បើតាមវីដេអូ ចេញពីសារព័ត៌មាន South China Morning Post បានបង្ហាញពីទិដ្ឋភាព មនុស្សរាប់រយនាក់សម្រុកចូលទៅក្នុងហាងលក់ទំនិញមួយកន្លែង ដែលស្ថិតនៅក្នុងខេត្ត Shaanxi របស់ប្រទេសចិន ដើម្បីទិញទូរសព្ទ iPhone ទើបនឹងចេញថ្មី។
ដោយសារតែចំនួនមនុស្សសម្រុកចូលទិញ ក្នុងថ្ងៃលក់ដំបូងច្រើនពេក ទើបធ្វើឲ្យហាងរបស់ Apple សម្រេចបញ្ឈប់ការលក់ភ្លាមៗ នឹងសុំឲ្យអតិថិជនរបស់ខ្លួនត្រលប់មកវិញម្ដងទៀត នៅថ្ងៃបន្ទាប់៕
ប្រភព: South China Morning Post