កូរ៉េខាងត្បូង ៖ តើអ្នកចាំទេ នៅពេល BTS ចេញហ្គេមនៅក្នុងទូរសព្ទ «BTS World» ជាមួយ Netmarble? ហើយទន្ទឹមនឹងការចាប់ផ្តើមហ្គេម នៅឆ្នាំ ២០១៩ ក្រុម BTS ក៏បានចេញ Album OST សម្រាប់ហ្គេមទូរសព្ទនោះដែលមានចំណងជើងថា «BTS World: Original Soundtrack» ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រយៈពេល ២ឆ្នាំកន្លងមកហើយ អ្នកនិយមលេងអ៊ីនធើណែត នៅតែមានការងឿងឆ្ងល់ថា តើវានិយាយអំពីអ្វី? ហើយអ្វីដែលកាន់តែពិសេសជាងនេះទៅទៀតនោះ ពួកគេបានឆ្ងល់ថា ហេតុអ្វីបានជា BTS បង្កើតបទចម្រៀងពិរោះៗ ជាច្រើន សម្រាប់តែហ្គេម OST ហើយមិនដាក់វានៅក្នុង Album ផ្លូវការរបស់ក្រុម?
គួរបញ្ជាក់ផងដែរថា Album «BTS World: Original Soundtrack» មានបទចម្រៀងសរុបចំនួន ១៤ បទរួមទាំងបទចម្រៀងសំខាន់ៗចំនួន ៤ គឺបទ «Heartbeat» បទ «Dream Glow feat. Charli XCX» បទ «A Brand-New Day feat. Zara Larsson» និងបទ «All Night feat. Juice WRLD»។
ខាងក្រោមនេះ គឺជាអ្វីដែលអ្នកនិយមលេងអ៊ីនធើណែតលើកឡើង ៖
បទ Dream Glow ពិតជាពិរោះខ្លាំងណាស់សម្រាប់ Game។ គិតមើលសូម្បីតែ Jungkook ក៏និយាយថា «យើងមានបទចម្រៀងមួយបទ ដែលហៅថា Heartbeat?» ខ្ញុំបានស្តាប់បទ Dream Glow បទ Heartbeat បទ A Brand-New Day និងបទ All Night ជាង ១០០ ដងហើយ។ ពួកគេ គួរតែចេញបទចម្រៀងទាំងនោះជា Album ផ្លូវការ។ ខ្ញុំក៏មិនយល់ស្របដែរ បទចម្រៀងទាំងនេះពិរោះៗណាស់ គ្រប់បទសុទ្ធតែមានន័យមិនអាចបំភ្លេចបានទេ។ ខ្ញុំមិនខ្វល់ទេ ប្រសិនបើពួកគេចេញ Album ផ្លូវការឥឡូវនេះ។ បើចេញមែន ប្រាកដជាល្អ ខ្ញុំគាំទ្រ។
តើហ្វេនៗគិតយ៉ាងណាដែរ ចំពោះមតិខាងលើ?
ប្រភព ៖ Allkpop
Bong I.T