បរទេស៖ វិស្វករមកពីសាកលវិទ្យាល័យ Northwestern University បានបង្កើតមីក្រូឈីបតូចហោះបាន ដែលពួកវាអាចប្រើសម្រាប់តាមដានចំនួនមនុស្ស ការបំពុលខ្យល់ និងវត្តមាននៃជំងឺនៅក្នុងខ្យល់។ ដោយមានទំហំប្រហាក់ប្រហែលនឹងគ្រាប់ខ្សាច់ មីក្រូឈីបឬមីក្រូហោះហើរនេះមិនមានម៉ូទ័រឬម៉ាស៊ីនអ្វីទេ។ ជំនួសមកវិញ ឧបករណ៍ដ៏ល្អិតនេះប៉ះខ្យល់ហើយអាចហោះបាន ដែលស្រដៀងគ្នានឹងគ្រាប់ពូជចេញពីដើម maple ដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការរចនានេះមានន័យថា ជាជាងធ្លាក់មកពីលើអាកាសទាំងដុល មីក្រូហោះហើរនេះធ្លាក់ចុះក្នុងល្បឿនយឺតៗនិងស្ថិតនៅក្នុងលក្ខណៈគ្រប់គ្រង។ កំឡុងពេលធ្លាក់ចុះ គេអាចប្រើប្រាស់វា ដើម្បីវាស់លក្ខខណ្ឌផ្សេងៗនៅក្នុងបរិយាកាស។ យោងតាមសាកលវិទ្យាល័យ Northwestern បានឲ្យដឹងថា ឧបករណ៍ទាំងនេះគឺជាទម្រង់តូចបំផុតបង្កើតឡើងដោយមនុស្សនិងអាចហោះបាន ហើយបំពាក់ដោយបច្ចេកវិទ្យាខ្នាតតូច ដូចជាឧបករណ៍ចាប់សញ្ញា ប្រភពថាមពល និងអង់តែនសម្រាប់ទំនាក់ទំនងឥតខ្សែ។
សមាសធាតុអេឡិចត្រូនិចនេះរួមមាន ប្រភពថាមពលដែលអាចទាញយកថាមពលជុំវិញ មេម៉ូរី និងអង់តែនមួយដែលអាចបញ្ជូនទិន្នន័យទៅកាន់ស្មាតហ្វូន ថេប្លេត ឬកុំព្យូទ័រ។ ឧបករណ៍ចាប់សញ្ញាដែលបំពាក់ទៅក្នុងមីក្រូហោះហើររួមមាន ឧបករណ៍តូចៗដែលមានសមត្ថភាពស្វែងរកភាគល្អិតនៅក្នុងខ្យល់ pH បរិយាកាស និងការប៉ះពាល់ដោយពន្លឺព្រះអាទិត្យ។
ឧបករណ៍ទាំងនេះអាចត្រូវបានប្រើ ដើម្បីតាមដានផលប៉ះពាល់បរិស្ថាននៃការកំពប់សារធាតុគីមី ឬតាមដានកម្រិតការបំពុលបរិយាកាសស្ថិតនៅកម្ពស់ផ្សេងៗគ្នា។ ការទម្លាក់កូនដ្រូនដ៏ល្អិតរាប់ពាន់ទាំងនេះទៅក្នុងបរិយាកាស អាចបង្កើតការងារសម្អាតដ៏ធំមួយ មុនពេលដែលមីក្រូហោះហើរទាំងនេះធ្លាក់មកដល់ដី៕
ប្រភព: Jalopnik