អាជ្ញាធរដាក់ឱ្យដំណើរការ ផ្សារក្រមួនទី២ បណ្តោះអាសន្ន បន្ទាប់ពីផ្សារបន្ទាយស្រី​ត្រូវបានបិទខ្ទប់

សៀមរាប៖ អភិបាលស្រុកបន្ទាយស្រី  លោក ឃឹម ហ្វីណង់ បានបង្ហោះលើ​ទំព័រហ្វេសប៊ុកថា ផ្សារក្រមួនទី២ នៅក្នុងស្រុកបន្ទាយស្រីចាប់ផ្តើមដាក់ឱ្យដំណើរការជំនួសឱ្យផ្សារបន្ទាយស្រី ដែលត្រូវបានបិទរយៈពេល២សប្តាហ៍។ ​លោកបានឱ្យដឹងទៀតថា វាជាផ្សារបណ្តោះអាសន្នតែមានសុវត្ថិភាពសម្រាប់សហគមន៍ ហើយបើទោះលំបាកបន្តិចតែជាជាងការបិទទាំងស្រុង។ ម្យ៉ាងទៀត វាក៏អាចដោះស្រាយបានទាំងតម្រូវការចាំបាច់ប្រចាំថ្ងៃរបស់អ្នកភូមិ និងបានទាំងទ្រទ្រង់ជីវភាពរបស់អាជីវករមួយចំនួនផងដែរ។

លោកបញ្ជាក់ថា អ្នកលក់ទាំងអស់សុទ្ធតែបានឆ្លងកាត់ការយកសំណាកជាមុន ពាក់ម៉ាស់ ពាក់របាំងមុខការពារត្រឹមត្រូវ រក្សាគម្លាតសុវត្ថិភាពពីតូបមួយទៅតូបមួយ និងមានពាក់ប័ណ្ណសម្គាល់អត្តសញ្ញាណគ្រប់ៗគ្នា ដើម្បីធានាឱ្យបានថា ផ្សារតាមបែបគន្លងថ្មីនេះមិនបង្កហានិភ័យបន្ថែមទៅដល់បងប្អូនប្រជាពលរដ្ឋនៅក្នុងសហគមន៍ ហើយជីវភាពប្រចាំថ្ងៃរបស់បងប្អូនប្រជាពរដ្ឋនៅតែអាចបន្តបានជាធម្មតា៕