អូស្ត្រាលី៖ ប្រិយមិត្តអ្នកអានប្រាកដជាបានជ្រាបខ្លះៗហើយ ចំពោះករណីលោកតាម្នាក់ឈ្មោះថា Gordon Layton អាយុ៨៨ឆ្នាំ និងមកពីរដ្ឋ Queensland នៃប្រទេសអូស្ត្រាលី បានផ្ទេរប្រាក់ចំនួន៧១,៤០០ដុល្លារអាមេរិក ទៅកាន់គណនីរបស់គេដទៃកាលពីខែមិថុនាកន្លងទៅ ទាំងដែលគាត់ត្រូវផ្ទេរទៅឲ្យក្រុមហ៊ុនរើផ្ទះសោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ដំបូងឡើយលោកតាមិនដឹងទេថា គាត់បានរក្សាទុកនូវគណនីធនាគារក្រោមឈ្មោះម្ចាស់ខុស ហើយអ្នកដែលទទួលបានប្រាក់ពីគាត់ក៏បានបដិសេធមិនព្រមប្រគល់ប្រាក់ឲ្យមកវិញដែរ។ ចំណែកកូនស្រីរបស់គាត់បានដឹងកំហុសនេះក្នុងរយៈពេលបីម៉ោង ដែលវាយឺតពេលទៅហើយ ហើយប្រាក់ទាំងអស់ត្រូវបានគេដកចេញពីធនាគារក្នុងថ្ងៃតែមួយផងដែរ។ ទន្ទឹមនឹងនេះដែរ ខាងធនាគារបានព្យាយាមណាស់ដែរ តែមិនបានលទ្ធផលអ្វីឡើយ។ ងាកទៅខាងក្រុមហ៊ុនរើផ្ទះវិញ បានគំរាមកំហែងលោកតា ដោយចាត់វិធានវិធានការតាមផ្លូវច្បាប់ដើម្បីទទួលបានប្រាក់ដែលលោកតាជំពាក់ និងមានសិទ្ធិគ្រប់យ៉ាងផងដែរ។ ហើយប្រសិនបើមិនបានប្រាក់ត្រលប់មកវិញទេ លោកតាអាចនឹងត្រូវបង្ខំចិត្តលក់ផ្ទះ ដើម្បីយកប្រាក់សង់គេ ដែលជាហេតុធ្វើឲ្យលោកតាបង្កើតការរ៉ៃអង្គាសប្រាក់ នៅលើបណ្ដាញអ៊ីនធឺណេត។
យ៉ាងណាមិញ កាលពីថ្មីនេះ ខាងធនាគារបានទាក់ទងមកកាន់លោកតា ដោយនិយាយថា ពួកមានអារម្មណ៍ថាដំណើរការផ្ទៃក្នុងរបស់ពួកគេមួយចំនួន គួរណាស់តែអាចត្រូវបានដោះស្រាយល្អប្រសើរជាងនេះ តួយ៉ាងក្នុងករណីរបស់លោកតាផ្ទាល់ ដូចេ្នះពួកគេបានយល់ព្រមសង់ប្រាក់មួយផ្នែកធំជូនទៅដល់លោកតា បើទោះបីជាវាមិនគ្រប់ចំនួនដើមដែលលោកតាខាតបង់ក៏ដោយ។ ហើយចំពោះការអាណិតអាសូរពីខាងធនាគារនេះដែរ លោកតាភ្ញាក់ផ្អើលយ៉ាងខ្លាំង និងអរគុណដោយភាពសប្បាយរីករាយផងដែរ។
បន្ថែមពីនេះទៀត ខាងប៉ូលិសបានស៊ើបអង្កេតដោយរកឃើញថា អ្នកដែលទទួលបានប្រាក់ពីលោកតា គឺជាបុរសម្នាក់ដែលលោកតាបានជួលដើម្បីធ្វើការបញ្ជាក់ពីផ្ទះថ្មីរបស់គាត់ ហើយបុរសរូបនេះត្រូវបានចោទប្រកាន់ពីបទលួចទ្រព្យសម្បត្តិ។ ចំណែកសំណុំរឿងត្រូវបានគេពន្យារពេល ដែលគាត់នឹងត្រូវបង្ហាញខ្លួនម្ដងទៀតនៅឯតុលាការថ្ងៃទី១៨ ខែតុលាខាងមុខនេះ៕
ប្រភព: Daily Mail
សូមទស្សនារូបភាពខាងក្រោម៖