ភ្នំពេញ៖ ប្រធានមន្ទីរធម្មការនិងសាសនារាជធានីភ្នំពេញ លោក ទេព គង្គា បានឲ្យដឹងថា ក្រុមគ្រូពេទ្យធីតា និងក្រុមគ្រូពេទ្យមន្ទីរសុខាភិបាលរាជធានី បែងចែកជា ១០ក្រុម បានចុះយកសំណាកបានប្រមាណ ១០០វត្តហើយ ក្នុងចំណោមវត្តទាំង ១៥១ នៅរាជធានីភ្នំពេញ គិតត្រឹមម៉ោងជិត ៣ រសៀលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមគ្រូពេទ្យបាននឹងកំពុងនៅបន្តយកសំណាកតាមវត្តមួយចំនួន ហើយអាចនឹងបញ្ចប់នៅថ្ងៃនេះ ដោយសារការយកតេស្តសំណាកដោយប្រើប្រាស់ឧបករណ៍តេស្តរហ័ស Rapid ទទួលលទ្ធផលបានលឿន។ យ៉ាងណាមិញ លទ្ធផលមិនទាន់ដឹងនៅឡើយទេ គឺត្រូវរង់ចាំរហូតដល់ម៉ោង ៤ ឬ ៥ល្ងាច ទើបមានការប្រជុំសរុបរបាយការណ៍តួលេខជាផ្លូវការ។
គួរឱ្យដឹងដែរថា ក្រោយមានការផ្ទុះកូវីដពាក់ព័ន្ធព្រះសង្ឃ និងពុទ្ធបរិស័ទរាប់សិបនាក់នៅវត្តជំពុះក្អែកកាលពីម្សិលមិញនេះ អាជ្ញាធរបានចុះយកសំណាកតាមវត្តនានានៅរាជធានីភ្នំពេញ ហើយរាជរដ្ឋាភិបាលកម្ពុជាក៏បានសម្រេចផ្អាករៀបចំពិធីបុណ្យកាន់បិណ្ឌនិងភ្ជុំបិណ្ឌផងដែរ ដើម្បីបង្ការនិងទប់ស្កាត់ជំងឺកូវីដ១៩៕
ប្រភព៖ កម្ពុជាថ្មី
Bong I.T