ស្អាតខ្លាំង ផ្ទះអ្នកអភិជនសេដ្ឋីនី Kylie មានតម្លៃជាង ៣៦លានដុល្លារ(មានវីដេអូ)

បរទេស៖ មហាសេដ្ឋីនីអាមេរិកវ័យ ២៤ ឆ្នាំ តារាម៉ូដែលស្រី Kylie Jenner ទើបតែផ្តល់បទសម្ភាសន៍មួយ ដែលនៅផ្ទះ ដោយបង្ហាញពីផ្នែកខាងក្នុងនៃវីឡា ដ៏ប្រណីតរបស់នាងនៅ Holmby Hills ទីក្រុង Los Angeles ។

តួយ៉ាង អ្នកម្តាយកូនមួយរូបនេះ បានអញ្ជើញអ្នកយកព័ត៌មាន Vogue មកកាន់វិមានថ្មីរបស់នាង សម្រាប់បទសម្ភាសន៍វីដេអូ «73 Questions» បើកបង្ហាញផ្ទះដ៏ធំស្កឹមស្កៃ បែបសហសម័យទំហំ ១៨០០ ម៉ែតការេ ប្រៀបដូចនឹងរមណីយដ្ឋានមួយកន្លែង។

ទៀតសោត ទ្រព្យសម្បត្តិ ៣៦.៥ លានដុល្លាររបស់នាង ដូចជាកន្លែងដ៏អស្ចារ្យមួយកន្លែង ដែលមានអាងហែលទឹកដ៏ធំមួយនៅកណ្តាល ទាំងសងខាង ជាមួយនឹងមានការរចនាបើកចំហរធំល្វឹងល្វើយពីជាទាក់ទាញប្លែកភ្នែកខ្លាំងតែម្តង។

ជាមួយគ្នានេះដែរ យើងក៏អាចឃើញ រានហាលខាងមុខ ក៏មានរចនាកន្លែងលេង ផ្សេងៗគ្នា ជាច្រើននៅក្នុងវីឡា ជាមួយប្រដាប់ក្មេងលេង ក៏ដូចជាសួនកុមារ នៅក្បែរអាងទឹក ដែលសម្រាប់កូនស្រី Stormi ដែលមានអាយុទើប ៣ ឆ្នាំ។

អ្វីដែលចាប់អារម្មណ៍ ជាមួយម៉ូតខោអាវរបស់នាង ទៅនឹង ការស្លៀក បញ្ចេញ ដែលបានបង្ហាញពីពោះរបស់នាង ដោយត្រូវបានឲ្យដឹងថា​ ពាណិជ្ជករលុយវាល់ពាន់លានដុល្លាររូបនេះ កំពុងមានផ្ទៃពោះកូនទី ២ របស់នាងជាមួយរ៉េប Travis Scott ដូច្នេះដែរ៕

ប្រភព៖ Youtube

សូមទស្សនារូបភាពខាងក្រោម៖