កូរ៉េខាងត្បូង ៖ ថ្មីៗនេះវីដេអូខ្លីដំបូងសម្រាប់ការត្រឡប់មកវិញនៃកម្មវិធី «BTS In The SOOP» រដូវកាលទី២ កំពុងទទួលបានការចាប់អារម្មណ៍ខ្លាំង ដោយត្រូវបានបង្ហាញព័ត៌មានបន្តិចបន្តួចអំពីកម្មវិធីនេះ ជាពិសេសត្រូវបានគេកត់សម្គាល់ឃើញថាមានផ្ទះឯកជនមួយត្រូវបានសាងសង់ឡើងសម្រាប់សមាជិក BTS តែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យោងតាមវីដេអូខ្លីនេះ ក្រុមផលិតត្រូវបានគេផ្តល់ពេលឲ្យបីខែ ដើម្បីសាងសង់ផ្ទះទទួលភ្ញៀវសម្រាប់ការសម្តែងរបស់តារា Kpop លំដាប់ពិភពលោកមួយនេះ ហេតុផលអាចដោយសារតែចំនួនអ្នកគាំទ្រដែលបានសម្រុកទៅកន្លែងវិស្សមកាល «BTS In The SOOP» រដូវកាលមុនច្រើនពេក ដូច្នេះពេលនេះក្រុមផលិតបានសាងសង់ផ្ទះវិស្សមកាលឯកជនមួយនៅចំកណ្តាលព្រៃដែលនឹងត្រូវលាក់ទុក។
ជាមួយនឹងឈុតខ្លីដំបូងដែលបានបញ្ចេញអ្នកនិយមលេងអ៊ីនធើណែតជាច្រើនចាប់អារម្មណ៍ចំពោះកម្មវិធីនេះ អាចថាទទួលបានការឧបត្ថម្ភច្រើនពីក្រុមហ៊ុនផ្សេងៗ និងហើយអាចសាងសង់ផ្ទះធំៗបែបនេះបាន ព្រមទាំងមតិមួយចំនួនទៀតដូចខាងក្រោម ៖
អស្ចារ្យណាស់ ទំហំផ្ទះគឺមើលទៅធំអស្ចារ្យណាស់។ ខ្ញុំចង់រស់នៅក្នុងផ្ទះបែបនេះ។ ខ្ញុំពិតជាចង់មានឱកាសទៅលេងទីនោះដូចជាដំណើរកម្សាន្ត។ ពួកគេត្រូវតែប្រើលុយច្រើនសម្រាប់រឿងនេះ។ នេះពិតជាអស្ចារ្យណាស់។ ខ្ញុំគិតថាពួកគេអាចប្រើវាជាផ្ទះវិស្សមកាលឯកជនរបស់ BTS។ «BTS In The SOOP» រដូវកាលទី២ ពិតជាមិនធម្មតាមែន។ ខ្ញុំពិតជាចង់មើល «BTS In The SOOP» ឥឡូវនេះ។ មិនប្លែកទេដែល BTS អាចធ្វើរឿងបែបនេះបាន វាសមហើយជាមួយនឹងប្រជាប្រិយភាពរបស់ពួកគេ។ Wow!! ខ្ញុំពិតជារំភើបណាស់…៕
ជ្រាបច្បាស់ សូមទស្សនាវីដេអូ និងរូបភាពខាងក្រោម ៖
ប្រភព ៖ Allkpop
Bong I.T