ក្រុមគ្រូពេទ្យចុះយកសំណាកព្រះសង្ឃ តាអាចារ្យ និងកូនសិស្សលោក នៅតាមវត្ត​ក្នុងរាជធានីភ្នំពេញ ក្រោយផ្ទុះករណីឆ្លងកូវីដ១៩

ភ្នំពេញ៖ នៅព្រឹកថ្ងៃទី២៤ ខែកញ្ញា នេះប្រធានមន្ទីរសុខាភិបាលរាជធានីភ្នំពេញ លោកវេជ្ជបណ្ឌិត ងី មានហេង បញ្ជាក់ថា ក្រុមគ្រូពេទ្យ​មន្ទីរសុខាភិបាលប្រមាណ ១០០នាក់ សហការជាមួយក្រុមគ្រូពេទ្យស្ម័គ្រចិត្តសម្តេចតេជោ នឹងចុះយកសំណាក​ព្រះសង្ឃ និងកូនសិស្សលោក នៅតាមវត្តចំនួន ១៥១វត្ត នៅក្នុងរាជធានីភ្នំពេញ រយៈពេល ២ថ្ងៃ គឺចាប់ពីថ្ងៃទី២៤ និង២៥ ខែកញ្ញា ឆ្នាំ២០២១ បន្ទាប់ពីមានវត្តអារាមមួយចំនួន ផ្ទុះជំងឺកូវីដ១៩។

​ក្នុងករណីរកឃើញព្រះសង្ឃ និងកូនសិស្សលោកមានឆ្លងជំងឺកូវីដ​១៩​ នឹងត្រូវដាក់ឲ្យព្យាបាលនៅតាមមួយអារាមតែម្តង ចំពោះវត្តណាដែលមានលក្ខណៈសម្បត្តិគ្រប់គ្រាន់តាមគោលការណ៍ណែនាំរបស់ក្រសួងសុខាភិបាល។ ប៉ុន្តែប្រសិនបើវត្តទាំងនោះ មិនមានអាចព្យាបាលបានទេ​ នោះនឹងបញ្ជួនទៅព្យាបាល នៅតាមមណ្ឌលព្យាបាលផ្សេងៗ។ ​ដោយឡែក ចំពោះព្រះសង្ឃ កូនសិស្ស ឬអាចារ្យ ដែលពាក់ព័ន្ធនឹងឲ្យធ្វើចត្តាឡីស័ក នៅក្នុងវត្តតែម្តង៕

ប្រភព៖ កម្ពុជាថ្មី