BLACKPINK ក្លាយជាក្រុមចម្រៀង Kpop ដំបូងគេ មាន MV រកបានអ្នកចូលមើលឈានដល់ ១.៧ ពាន់លានដង!

កូរ៉េខាងត្បូង ៖ នៅថ្ងៃទី២៣ ខែ កញ្ញា ឆ្នាំ ២០២១ ម្សិលមិញនេះ វីដេអូចម្រៀងបទ DDU-DU DDU-DU របស់ក្រុមចម្រៀងស្រី BLACKPINK រកបានសមិទ្ធផលសំខាន់ថ្មី ដោយមានចំនួនអ្នកចូលទស្សនាច្រើនបំផុតលើសពី ១,៧០០,០០០,០០០ Views លើ YouTube​។

គួរបញ្ជាក់ផងដែរថា Music Video មួយនេះបានចេញផ្សាយកាលពីថ្ងៃទី១៥ ខែ មិថុនា ឆ្នាំ ២០១៨ មានន័យបទ DDU-DU DD-DU បានចំណាយពេលប្រហែល ៣ឆ្នាំ ៣ខែ និង ៨ថ្ងៃ ដើម្បីឈានដល់ចំណុចកំពូលសំខាន់បែបនេះ។

តាមរយៈសមិទ្ធផល បទ DDU-DU DDU-DU បានធ្វើឲ្យ BLACKPINK ក្លាយជាក្រុមចម្រៀង Kpop ដំបូងគេបង្អស់ដែលមាន MV រកបានអ្នកចូលមើលចម្រើន ឈានដល់ ១.៧ ពាន់លានដង និងមានតែវីដេអូចម្រៀងរបស់តារា Kpop ២បទប៉ុណ្ណោះដែលសម្រេចបានកំណត់ត្រានេះ បន្ទាប់ពីបទ GANGNAM STYLE របស់ PSY៕

សូមអបអរសាទរ BLACKPINK ចំពោះកំណត់ត្រានេះ!

ប្រភព ៖ Soompi