កីទ្បា
២៤-កញ្ញា-២០២១ ៩ព្រឹក · ៣ ឆ្នាំមុនលោក Paul Ince មិនពេញចិត្តចំពោះទម្រង់លេងរបស់ Anthony Martial, Jadon Sancho និង Jesse Lingard
អង់គ្លេស៖ អតីតកីឡាករក្រុមជម្រើសជាតិអង់គ្លេស លោក Paul Ince បានទទូចឲ្យ កីឡាករ Anthony Martial , Jadon Sancho និង Jesse Lingard ឲ្យលេងបាល់ឲ្យបានល្អជាងនេះ និង កុំសូវញាក់ខ្លាំងពេក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស លោក Paul Ince
ជាការពិតាណាស់ លោក Ince បានលើកឡើងដូច្នេះបន្ទាប់អ្នកទាំងបីខាងលើ សុទ្ធតែបានបង្ហញខ្លួនជាជម្រើសដំបូងក្នុងបរាជ័យ ១ទល់នឹង០ ក្រោមថ្វីជើង West Ham United ធ្វើឲ្យក្រុមធ្លាក់ចេញពីការប្រជែងយកពានរង្វាន់ EFL Cup នៅក្នុងរដូវកាលនេះ។
ក្លិប Manchester United លោក Ince បាននិយាយថា៖
តើមានកីឡាករប៉ុន្មាននាក់ដែលលេងល្អជាង Martial? តើគាត់នឹងអាចចាកចេញពីក្រុមទេ? លោក Solskjaer ថា អត់ទេ ហើយ គាត់នៅតែជាផ្នែកមួយរបស់ក្រុម។ ខ្ញុំមើលទៅកាយវិការរបស់ Martial ខ្ញុំក៏បានគិតថា គាត់មិនចង់លេងក្នុងពានរង្វាន់ EFL Cup នោះទេ។ ងាកមក Sancho វិញ គាត់នៅក្មេងណាស់ ប៉ុន្តែ វាមិនមែនជាការប្រកួតក្នុងហ្គេម FIFA ដែលតម្រូវឲ្យញាក់កីឡាករក្រុមគូប្រកួត ពីរ បី បួនរូបនោះទេ ហើយ Lingard ដូចគ្នា ពួកគេគួរតែសម្លឹងមើលក្នុងការបញ្ជូនទៅកីឡាករដទៃ និង ធ្វើចលនាចូលទៅក្នុងប្រអប់គ្រោះថ្នាក់៕
លោក Paul Ince កីឡាករ Jesse Lingard និង Anthony Martial កីឡាករ Jadon Sancho ប្រភព ៖ metro