អង់គ្លេស៖ អ្នកចាត់ការទូទៅក្លិប Manchester United លោក Ole Gunnar Solskjaer បានសារភាពថា សមត្ថភាពរបស់ កីឡាករ Jadon Sancho និង Donny van de Beek នៅមានកម្រិត ហើយ អ្នកទាំងពីរមិនទាន់បានបង្ហាញទម្រង់លេងឲ្យដល់ចំណុចកំពូលនៅឡើយទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ លោក Solskjaer បានលើកឡើងបែបនេះ បន្ទាប់ពី Man Utd ទើបតែធ្លាក់ចេញពីពានរង្វាន់ EFL Cup ក្រោមថ្វីជើង West Ham United ក្នុងលទ្ធផល ១ទល់នឹង០ ខណៈ Sancho និង Van de Beek សុទ្ធតែបានលេងជាជម្រើសដំបូង និង ជាឱកាសបង្ហាញសមត្ថភាពទាក់ចិត្តអ្នកចាត់ការក្រុម។
លោក Solskjaer បាននិយាយថា៖
ខ្ញុំមិនអាចត្អូញត្អែរអំពីការខិតខំនោះទេ។ វាអាស្រ័យទៅលើការជឿជាក់លើខ្លួនឯង។ ទម្រង់លេងរបស់ពួកគេមិនទាន់ដល់ចំណុចកំពូលនៅឡើយទេ ដោយសារ ពួកគេមិនសូវបានបង្ហាញខ្លួនលើទីលាន។ វាជារឿងល្អសម្រាប់ពួកគេដែលទទួលបាននាទីលើទីលាន ប៉ុន្តែ វាមិនមែនជាលទ្ធផលដែលយើងចង់បាន។ គុណភាពលេងរបស់ពួកគេនៅមានកម្រិត ប៉ុន្តែ អ្នកទាំងពីរតែងតែខិតខំប្រឹងប្រែង៕
ប្រភព៖ metro
Bong I.T