កម្សាន្ត៖ រឿងភាគកូរ៉េដែលកំពុងតែល្បីល្បាញជាខ្លាំងចំណងជើង Hometown Cha Cha Cha ដែលសម្ដែងដោយកំពូលតារាស្រី Shin Min Ah ជាតួឯកស្រីដែលមានប្រជាប្រិយភាព។ តួឯកស្រីរូបនេះ តែងតែស្លៀកសម្លៀកបំពាក់សាមញ្ញៗនៅក្នុងរឿង ប៉ុន្ដែបើដឹងពីតម្លៃវិញស្ទើរតែមិនជឿ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមហាជនស្រឡាំងកាំងក្រោយដឹងពីតម្លៃឈុតមួយតួខ្លួនដែលតារាស្រី Shin Min Ah ពាក់នៅក្នុងវគ្គមួយនៃរឿងភាគកូរ៉េដ៏ល្បីល្បាញ។ តួស្រីថ្ពាល់ខួចរូបនេះ គ្រងឈុតពីក្បាលដល់ចុងជើងសុទ្ធតែមានតម្លៃកប់ពពក បើទោះបីជាមើលទៅឃើញសមរម្យមិនលេចធ្លោរខ្លាំងយ៉ាងណាក៏ដោយ។
តាមប្រភពបានបង្ហាញថា ឈុតរបស់តារាស្រីនេះបើបូកសរុបទៅមានតម្លៃអាចទិញឡានបានមួយគ្រឿង មនុស្សធម្មតាមិនហ៊ានពាក់ថ្លៃបែបនេះនោះទេ។ ងាកមកមើលឈុតនោះវិញដែលអាវពណ៌ផ្ទៃមេឃឆ្នូតពណ៌សមានតម្លៃ ១៤៥០ ដុល្លារ ចំណែកឯខោកាប៊យម៉ាក Levi តម្លៃជាង ៣៤៤ដុល្លារ។
លើសពីនោះ នាឡិកាតូចច្រឡឹងម៉ាក Chaumet ដែលមានត្បូង៦២គ្រាប់ និងស្រោបដោយមាសពណ៌ស១៨ការ៉ាត់នោះមានតម្លៃដល់ទៅ ១៦៨០០ដុល្លារឯណោះ។ រីឯកាបូបនៅនឹងដៃរបស់ Shin Min Ah ដែលមានពណ៌ផ្ទៃមេឃខ្សែច្រវ៉ាក់ម៉ាក Miu Miu មានតម្លៃ ២៤៨៨.៧២ ដុល្លារ។ បើយកតម្លៃទាំងនោះមកបូកសរុបប្រហែលស្មើនឹង ២១០៨២ដុល្លារសហរដ្ឋអាមេរិក៕
ប្រភព៖ Preview