តិចច្រឡំថ្មអណ្ដែតទឹក! បុរសបារាំងរូបនេះ បង្កើតទូកមួយលាក់ខ្លួនក្នុងផ្ទាំងថ្ម (មានវីដេអូ)

បារាំង៖ បុរសជនជាតិបារាំងម្នាក់អាយុ៤៦ឆ្នាំ បានប្រើប្រាស់ផ្ទាំងក្រណាត់ជ័រប៉ូលីស្ទីរ៉ែន និងជ័រអេប៉ូស៊ីដើម្បីផ្លាស់ប្ដូរទូកដ៏ចាស់មួយ ទៅជាអ្វីមួយផ្សេងទៀត និងលាបពណ៌បន្ថែម ដែលមើលទៅហាក់បីដូចជាទូកលាក់ខ្លួនក្នុងផ្ទាំងថ្មអីចឹង។

តាមប្រភពព័ត៌មានបានឲ្យដឹងថា លោក Berthier មានភាពល្បីល្បាញយ៉ាងខ្លាំងដោយសារស្នាដៃដ៏ប្រសព្វនិងចម្លែករបស់គាត់ ហើយគម្រោងចុងក្រោយនៃការបង្កើតរបស់គាត់បានចាប់ផ្ដើមតាំងពីខែកញ្ញា ឆ្នាំ២០២០មកម៉្លេះ ប៉ុន្ដែដោយសារតែការរឹតត្បិតរបស់ជំងឺកូវីដ-១៩ ទើបត្រូវពន្យារពេលវិញ។ ទោះជាយ៉ាងណាក៏ដោយ ទូកត្រូវបានគេដាក់ឲ្យដំណើរការក្នុងខែមិថុនា ឆ្នាំ២០២១នេះតែម្ដង។

យ៉ាងណាមិញ ក្រោយពីវីដេអូដែលបង្ហាញពីទូក ត្រូវបានគេយកទៅបង្ហោះចែកចាយនៅលើបណ្ដាញសង្គមរួមមក ទទួលបានការចាប់អារម្មណ៍ជាខ្លាំង ដែលមនុស្សមួយចំនួនឃើញដំបូងគិតថា វាជាថ្មមួយដុំអណ្ដែតតាមទឹកផងដែរ៕

ប្រភព: Daily Mail

សូមទស្សនារូបភាពនិងវីដេអូខាងក្រោម៖