ទុកកូវីដនៅម្ខាង! វ៉ាង ស្រីណូ ហោះទៅឣាមេរិក ប្រើជីវិតហាយសូដើរផ្សារទិញរបស់ប្រេន ធ្វើព្រងើយ

សហរដ្ឋអាមេរិក ៖ ពិតណាស់ តារាសម្តែងស្រីជើងចាស់ វ៉ាង ស្រីណូ ដែលមួយរយៈចុងក្រោយនេះ ហាក់ឃ្លាតឆ្ងាយការងារសិល្បៈជាខ្លាំង ហើយ ក្នុងនោះ មហាជនក៏បានជ្រាបច្បាស់ថា តារាស្រីរូបនេះ បានងាកទៅចាប់អាជីព ជាអ្នករកស៊ី ដែល រូបនាងមានលក់ សម្ភារប្រើប្រាស់របស់សុភាពនារីប្រេនៗជាច្រើនម៉ូត ច្រើនជម្រើស ដូចជា កាបូបដៃ ស្បែកជើង ក៏ដូចជា គ្រឿងតុបតែងមួយចំនួនលើរាងកាយមនុស្សស្រីផងដែរ។

ជាមួយគ្នានេះ ស្របពេល កូវីដនៅកម្ពុជា ហាក់មានសភាពរាងធូរស្រាលហើយនោះ តារាស្រីរូបនេះ បានហោះទៅដើរលេងកម្សាន្ត ដោយប្រើជីវិតហាយសូនៅលើទឹកដីសហរដ្ឋអាមេរិក ធ្វើឲ្យមហាជនផ្ទុះការចាប់អារម្មណ៍គ្រប់គ្នា តែម្តង។ 

មិនតែប៉ុណ្ណោះ លើទឹកដីសហរដ្ឋអាមេរិក តារាស្រីរូបនេះ ជះលុយទិញសម្ភារប្រើប្រាស់យីហោល្បីៗ ចេញពីហាងធំៗនៅទីនោះផ្ទាល់តែម្តង ដែលគ្រាន់តែឃើញហើយ នារីៗណាក៏ច្រណែនដែរ លើសពីនេះទៅទៀត រូបនាង ក៏បានជួបជុំដើរផ្សារជាមួយនឹង តារាសម្តែង សារ៉ាយ សក្ខាណា នៅលើទឹកដីអាមេរិក ថែមទៀតផង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖