បរទេស៖ កីឡាករ Cristiano Ronaldo ត្រូវបានគេព្យាករណ៍ថា នឹងអាចក្លាយជាអ្នកចាត់ការរបស់ក្រុម Manchester United នារយៈពេល ១៨ ខែខាងមុខ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Tim Sherwood បានអះអាងច្បាស់ៗថា Ronaldo បានត្រៀមខ្លួនរួចជាស្រេចដើម្បីទទួលកៅអីនៅទឹកដី Old Trafford ក្នុងរយៈពេលឆាប់ៗនេះ។ គាត់ជឿជាក់ថាខ្សែប្រយុទ្ធវ័យ ៣៦ ឆ្នាំនឹងអាចចូលដឹកនាំក្រុមបិសាចក្រហមជំនួសគ្រូបង្វឹកបច្ចុប្បន្នលោក Ole Gunnar Solskjaer នៅពេលដែលគាត់ចូលនិវត្តន៍ក្នុងនាមជាកីឡាករបាល់ទាត់។
ជាក់ស្តែង នាការប្រកួតដែល Man UTD បានទទួលជ័យជម្នះ ២-១ ទៅលើក្រុម West Ham កាលពីថ្ងៃ អាទិត្យ កន្លងទៅ Ronaldo បានធ្វើឱ្យគ្រប់គ្នាភ្ញាក់ផ្អើលជាខ្លាំង នៅពេលដែលគាត់ត្រូវបានលោក Ole ប្តូរចេញ ប៉ុន្តែគាត់បានមកជួយបញ្ជាមិត្តរួមក្រុមនៅតំបន់គ្រូបង្វឹកផងដែរ។
ថ្លែងប្រាប់គេហទំព័រ CaughtOffside លោក Sherwood បានមានប្រសាសន៍ពី Ronaldo យ៉ាងដូច្នេះថា៖
ខ្ញុំគិតថា វាមិនមែនជាបញ្ហាចោទទេដែល Ronaldo ឈរនៅតំបន់គ្រូបង្វឹក ហើយលោក Ole ត្រូវតែព្រមទទួលយករឿងនេះ។ ប្រសិនបើគាត់ទៅលេងនៅក្លិបណា នោះអ្នកនឹងអាចទទួលបាននូវផលប្រយោជន៍ជាច្រើនអំពីបទពិសោធន៍របស់គាត់។ ខ្ញុំហ៊ានភ្នាល់ទៀត ថាគាត់នឹងអាចក្លាយជាអ្នកចាត់ការរបស់ Man UTD ក្នុងរយៈពេល ១៨ ខែទៀត។ នៅពេលណាដែល Ronaldo គាត់ចូលនិវត្តន៍ពីបាល់ទាត់ក្នុងនាមជាកីឡាករ ខ្ញុំគិតថាគាត់នឹងអាចក្លាយជាកីឡាករ៕
ប្រភព៖ Sportbible
Bong I.T