កម្សាន្ត៖ កាលពីពេលកន្លងទៅនេះ មានពាក្យចចាអារាមជាច្រើនបានលើកឡើងថា ស្វាមីរបស់តារាសម្ដែងស្រី Jun Ji Hyun បានស្នើរសុំលែងលះបានចែកចាយពាសពេញបណ្ដាញសង្គម។ ក្រោយមកខាង Jun Ji Hyun បានចេញមុខមកបដិសេធទាំងស្រុងទៅលើរឿងនេះហើយថែមទាំងប្ដឹងទៅលើជនណាដែលផ្សព្វផ្សាយព័ត៌មាននេះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពបានឲ្យដឹងថាមុននេះបន្ដិចគេបានឃើញ Jun Ji Hyun និងស្វាមីរបស់នាងលោក Choi Jun Hyuk ដើរកម្សាន្តបែបសាមញ្ញៗនៅស្រុក Song do។ អ្នកទាំងពីរមើលទៅដូចជាគូស្នេហ៍ធម្មតា ដែលផ្ទុយស្រឡះពីពាក្យចចាមអារាមទាំងស្រុង។
តារាសម្ដែងលំដាប់កំពូលរូបនេះ គេឃើញដើរបណ្ដើរគ្នាជាមួយស្វាមី ចូលទៅក្នុងហាងកាហ្វេ បន្ទាប់មកបន្ដទៅទទួលទានអាហារពេលល្ងាចតែពីរនាក់យ៉ាងផ្អែមល្ហែម។ ទោះបីជាត្រូវគេប្រទះឃើញផ្ទាល់ភ្នែកក៏ពិតមែន ប៉ុន្ដែគេមិនអាចថតរូបបាននោះទេ ដើម្បីរក្សាភាពឯកជនរបស់ Jun Ji Hyun និងស្វាមីរបស់នាង។
លោក Choi Jun Hyuk ត្រូវគេស្គាល់ថាជាអ្នកស្នងត្រកូលជំនាន់ទី២នៃ Chaebol និងជា CEO នៃក្រុមហ៊ុនអចលនទ្រព្យ Alpha ផងដែរ។ លោកនិង Jun Ji Hyun ស្គាល់គ្នាតាំងពីរៀនបឋមសិក្សាមកម្ល៉េះ បន្ទាប់មកក៏ស្រលាញ់គ្នាបានរៀបការនៅឆ្នាំ២០១២និងទទួលបានចំណងដៃកូនប្រុស២នាក់៕
ប្រភព៖ allkpop