ស្នេហា៖ នៅក្នុងទំនាក់ទំនងស្នេហា រវាងមនុស្សពីរនាក់ គឺជៀសមិនផុតឡើយ ការកើតមានបញ្ហារវាងគ្នា ក៏ប៉ុន្តែគ្រាន់តែមនុស្សពីរនាក់ ត្រូវដោះស្រាយនូវបញ្ហាទាំងនោះ តាមរបៀបណាតែប៉ុណ្ណោះ តែប្រសិនបើមនុស្សពីរនាក់ មានម្នាក់ពូកែ ក្នុងការរកដំណោះស្រាយបញ្ហានោះ ទំនាក់ទំនងស្នេហាពួកគេ ក៏មិនពិបាកក្នុងការដោះស្រាយដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាងនេះទៅទៀត ដំណោះស្រាយដ៏ពូកែៗភាគច្រើន គឺមានតែមនុស្សស្រីដែលមានភាពវៃឆ្លាតទេ ទើបគេចេះរកនឹកឃើញ វិធីសាស្ត្រដ៏មានប្រសិទ្ធភាព ដូចដែលបានរៀបរាប់នៅខាងក្រោមនេះ ហើយទំនាក់ទំនងស្នេហារបស់ពួកគេ ក៏មិនងាយបែកបាក់គ្នា លើសពីនេះ គឺកាន់តែយល់ចិត្តគ្នា កាន់តែច្រើនឡើងទៀតផង។
មានតែមនុស្សស្រីឆ្លាតទេ ទើបប្រើវិធីសាស្រ្តទាំងនេះ ដោះស្រាយបញ្ហាទំនាក់ទំនងស្នេហា៖
១. មិនឆេវឆាវ ធ្វើចិត្តឱ្យត្រជាក់
មនុស្សស្រីភាគច្រើន ឱ្យតែពេលដែលមានបញ្ហានៅក្នុងទំនាក់ទំនងស្នេហា គឺតែងតែមានចិត្តឆេវឆាវ ដែលធ្វើឱ្យបញ្ហានៅក្នុងទំនាក់ទំនង រឹតតែមិនអាចដោះស្រាយបាន ប៉ុន្តែចំពោះមនុស្សស្រីឆ្លាត ពួកគេតែងតែធ្វើចិត្តឱ្យត្រជាក់ ព្រោះមានតែការធ្វើចិត្តត្រជាក់ទេ ទើបអាចកាត់បន្ថយបញ្ហា ដែលកើតមានក្នុងទំនាក់ទំនងស្នេហា ម្យ៉ាងវិញទៀត ការដែលមិនឆេវឆាវ វាក៏ជួយធ្វើឱ្យមនុស្សពីរនាក់ ងាយស្រួលក្នុងការនិយាយស្តាប់គ្នាយល់ផងដែរ។
២. បើកចិត្តស្តាប់ហេតុផល
ឱ្យតែមានបញ្ហា នៅក្នុងទំនាក់ទំនងស្នេហាកើតមានឡើង ទោះមនុស្សប្រុសប្រឹងនិយាយហេតុផលអ្វី ក៏មិនចូលត្រចៀករបស់មនុស្សស្រីដែរ ហេតុនេះហើយ ទើបជាហេតុធ្វើឱ្យបញ្ហាក្នុងទំនាក់ទំនងស្នេហា កាន់តែពិបាកដោះស្រាយ តែចំពោះមនុស្សស្រីដែលមានភាពវៃឆ្លាត គេនឹងព្យាយាមបើកចិត្តស្តាប់ហេតុផល រួចយកមកពិចារណា ដើម្បីកាន់តែងាយស្រួលក្នុងការដោះស្រាយបញ្ហាស្នេហា ដែលកើតមានចំពោះមុខ។
៣. ព្យាយាមរកចំណុចកណ្តាល
វាជាការពិត មនុស្សស្រីមួយចំនួន តែងតែមានចិត្តចង់ឈ្នះ មិនថាខ្លួនធ្វើខុស ឬក៏ធ្វើត្រូវទេ មនុស្សស្រីគឺដឹងតែចង់ឈ្នះ ដោយគ្មានហេតុផល តែបើក្រឡេកមើលមនុស្សស្រីឆ្លាតវិញ ដើម្បីដោះស្រាយបញ្ហានៅក្នុងទំនាក់ទំនងស្នេហារបស់ពួកគេបាន គឺពួកគេតែងតែព្យាយាមស្វែងរកចំណុចកណ្តាល ដោយមិនចង់យកឈ្នះ យកចាញ់គ្នាទេ ទើបជាហេតុធ្វើឱ្យបញ្ហា ដែលកើតមាននៅក្នុងទំនាក់ទំនងស្នេហា ត្រូវបានដោះស្រាយបាន៕
ប្រភព៖ webmd