បរទេស៖ ដោយសារការប៉ះទង្គិចជាមួយអតីតខ្សែការពារក្រុម Bayern Munich កីឡាករ Jerome Boateng ទើបបណ្តាលឱ្យ Lionel Messi ទទួលរងរបួសជង្គង់កំលុងការប្រកួតទល់នឹងក្រុម Lyon, ជាមួយគ្នានេះ ខ្សែប្រយុទ្ធសញ្ជាតិ អាហ្សង់ទីន ក៏បានអវត្តមានសម្រាប់ការប្រកួតទល់នឹងក្រុម Metz ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាការប្រកួតនោះ ខ្សែប្រយុទ្ធវ័យ ៣៤ ឆ្នាំត្រូវបានអ្នកចាត់ការលោក Mauricio Pochettino ផ្លាស់ប្តូរចេញនៅពាក់កណ្តាលវគ្គទី ២ ព្រោះដោយសារលោកព្រួយបារម្ភខ្លាចតារាឆ្នើមរូបនេះមានបញ្ហារបួសធ្ងន់ធ្ងរ, ប៉ុន្តែកំលុងពេលនោះ Messi ហាក់មិនសូវសប្បាយចិត្តចំពោះការសម្រេចចិត្តរបស់គ្រូបង្វឹកនោះទេ ក្រោយខ្លួនត្រូវបានប្តូរចេញ។
មានវីដេអូមួយបានបង្ហាញឡើងនៅពេលខ្សែប្រយុទ្ធរបស់ក្រុម Paris Saint-Germain ព្យាយាមរត់សម្រុកចូលទៅកាន់តំបន់គ្រោះថ្នាក់ ហើយជង្គង់ខាងឆ្វេងរបស់គាត់ក៏បានប៉ះទង្គិចជាមួយកីឡាករ Boateng របស់ក្រុម Lyon, តាមការសន្និដ្ឋាន ដោយសារមូលហេតុនេះហើយ ទើបធ្វើឱ្យ Messi រងរបួសជង្គង់ រហូតដល់មិនអាចចូលរួមប្រកួតជាមួយក្រុម Metz កាលពីម្សិលមិញបាន៕
សូមទស្សនាវីដេអូខាងក្រោម៖
ប្រភព៖ Marca