កំពូលអ្នកជួលផ្ទះ ទុកសំរាមឡើងគរដូចភ្នំ និងមិនបង់ថ្លៃឈ្នួលទៀត

អង់គ្លេស៖ កាលពីថ្មីៗនេះ ម្ចាស់ផ្ទះពីរនាក់ជាប្ដីប្រពន្ធ មានការភ្ញាក់ផ្អើល និងខឹងសម្បារយ៉ាងខ្លាំងរហូតដល់និយាយមិនចង់ចេញ ក្រោយពីអ្នកជួលផ្ទះរបស់ពួកគាត់ បានចាកចេញទៅដោយមិនបង់ថ្លៃឈ្នួលផ្ទះ រួមទាំងទុកសំរាមស្អុយពាសពេញផ្ទះផងដែរ។

អ្នកស្រី Jane អាយុ៦០ឆ្នាំ និងស្វាមី Vic អាយុ៦៣ឆ្នាំ មកពីទីប្រជុំជន Swindon ប្រទេសអង់គ្លេស បានសម្រេចចិត្តជួលផ្ទះមួយខ្នងទៅឲ្យស្ត្រីម្នាក់ ដែលមានកូនតូច កាលពីខែមករា ឆ្នាំ២០២០កន្លងទៅ ដោយថ្លៃឈ្នួលផ្ទះក្នុងមួយខែតម្លៃ៦៥០ផោន (ប្រមាណ១,០០០ដុល្លារអាមេរិក)។ ហើយដោយសារតែច្បាប់របស់រដ្ឋាភិបាលអំឡុងពេលបិទខ្ទប់នៃជំងឺកូវីដ-១៩ ពួកគាត់ទាំងពីរមិនអាចបណ្ដេញចេញបានឡើយ ដែលបានបន្ដជួលរហូតដល់ទៅ១៨ខែឯណោះ។

តួយ៉ាង ស្ថានភាពក្នុងផ្ទះពិតជាកខ្វក់យ៉ាងខ្លាំង រួមមានសម្ភារខូចខាត និងសំរាមជាច្រើនស្ទើរតែគ្រប់ទីកន្លែង ដែលពួកគាត់ទាំងពីរបានខំប្រមូលដាក់ថង់ផ្លាស្ទិកជាង២៤០។ ហើយបើគិតពីថ្លៃជួសជុលផ្ទះ និងខាតបង់វិញ សរុបជាទឹកប្រាក់មានចំនួន១៣,០០០ផោន (ប្រមាណ១៧,៧០០ដុល្លារអាមេរិក)។

យ៉ាងណាមិញ ឥឡូវនេះពួកគាត់ទាំងពីរក៏បានបង្កើតនូវមូលនិធិនៅលើវេបសាយមួយផងដែរ ដើម្បីជួលសម្រួលពីលើការចំណាយខ្លះៗ៕

ប្រភព: Daily Mail

សូមទស្សនារូបភាពខាងក្រោម៖