គេញាំុអី បានស្រលាញ់គ្នា បានយូរម៉េះ? ស្នេហា៨ឆ្នាំ របស់Mark និង Kim រឹងមាំដូចដែកថែប

ថៃ៖ មួយរយៈចុងក្រោយនេះ តារាសម្ដែងស្រី Kimberley និងគូស្នេហ៍ លោក Mark Prin បានធ្វើឱ្យមនុស្សជាច្រើនឆ្ងល់ និងចង់ដឹងថាតើ អ្នកទាំងពីរមានបញ្ហានៅក្នុងទំនាក់ទំនងស្នេហាឬយ៉ាងណា បន្ទាប់ពីតារាស្រីរូបនេះ បានបង្ហោះចម្រៀងយ៉ាងកម្សត់នៅលើបណ្ដាញសង្គម។ 

ប៉ុន្តែថ្មីៗនេះ គូស្នេហ៍អ្នកទាំងពីរ នៅតែរក្សាបាននូវទំនាក់ទំនងស្នេហាយ៉ាងល្អបំផុត ដោយសារតែមានរូបភាពដ៏ផ្អែមល្ហែម ខណៈដែលអ្នកទាំងពីរបានប្រារព្ធខួបលើកទី ៨ របស់ពួកគេជាមួយគ្នា ក្រោមបរិយាកាសយ៉ាងរ៉ូមែនទិកនៅមាត់សមុទ្រ ហើយថែមទាំងមានការបានរៀបចំអក្សរតាមឈ្មោះនៅលើឆ្នេរខ្សាច់ ដែលមើលទៅវាហាក់ដូចជា ការថតរូប Pre-Wedding ទៀតផង ។

មិនត្រឹមតែប៉ុណ្ណោះ Kimberley និង Mark ក៏បានបង្ហាញសារយ៉ាងផ្អែមល្ហែមបង្កប់ន័យជ្រៅខណៈដែលកំពុងរង់ចាំពីគម្រោងអាពាហ៍ពិពាហ៍របស់ពួកគេ ធ្វើឲ្យហ្វេនៗជាច្រើនជ្រួលច្របល់និងសង្ឃឹមថា ដំណឹងល្អនេះនឹងមកដល់ក្នុងពេលឆាប់ៗនេះ៕

ប្រភព៖ Kapook

សូមទស្សនារូបភាពខាងក្រោម៖