ខេត្ដកំពត ៖ បុរសជនជាតិអាល្លឺម៉ង់ ម្នាក់ដែលប្រើហិង្សាលើស្ដ្រីខ្មែរជាអ្នក បម្រើបង្ខំឱ្យរួមភេទតាមមាត់ ដែល សមត្ថកិច្ចក្រុងកំពតចាប់ខ្លួនកាលពីថ្ងៃ ទី៩ ខែធ្នូ ឆ្នាំ២០១១កន្លងទៅនេះ នៅ រសៀលថ្ងៃទី១០ ខែមករា ឆ្នាំ២០១២ ត្រូវបានតុលាការខេត្ដកំពតសម្រេច ដោះលែងហើយ ។ ជនជាតិអាល្លឺម៉ង់ ដែលតុលាការដោះលែងនេះមានឈ្មោះ ឌៀប លឹប អាយុ៦២ឆ្នាំ ស្នាក់នៅក្នុង ផ្ទះជួលមួយកន្លែង ស្ថិតនៅភូមិទ្វីខាង ជើង សង្កាត់អណ្ដូងខ្មែរ ក្រុង-ខេត្ដកំពត។ ចំណែកស្ដ្រីខ្មែររងគ្រោះដែលត្រូវជន ជាតិអាល្លឺម៉ង់ធ្វើបាបនោះមានឈ្មោះហ ឌ.ណ អាយុ៤១ឆ្នាំ ជាដើមបណ្ដឹង ។
បើតាមប្រភពព័ត៌មានលួចខ្សឹប ប្រាប់បានឱ្យដឹងថា ស្ដ្រីរងគ្រោះជាស្ដ្រី ខ្មែរនេះមិនទាន់ទទួលបានសំណងជំងឺចិត្ដទេ រហូតមកដល់ថ្ងៃនេះ សូម្បីតែ តុលាការសម្រេចយ៉ាងណាក៏គាត់មិន បានដឹងដែរ ។
តាមការបញ្ជាក់ប្រាប់ពីស្ដ្រីរងគ្រោះនៅថ្ងៃកើតហេតុបានឱ្យដឹងថា រយៈពេល ២ខែមកហើយ ដែលជនជាតិអាល្លឺម៉ង់ មិនបើកលុយប្រាក់ខែឱ្យ ដូចនេះនៅថ្ងៃ កើតហេតុរូបគាត់ (ស្ដ្រីរងគ្រោះ) បាន សុំថៅកែបើកប្រាក់ខែ២ខែ ដើម្បីយក ផ្គត់ផ្គង់កូនរៀន ។ ប៉ុន្ដែត្រូវជនជាតិ អាល្លឺម៉ង់ជាថៅកែរូបនេះបង្ខំឱ្យរួមភេទសិនបាន បើកលុយឱ្យ ខណៈនោះរូប គាត់បានប្រកែកហើយប្រកែកទៀត ស្រាប់តែកើតរឿងប្រើអំពើហិង្សាវាយ ដំលើរូបគាត់បណ្ដាលឱ្យមានរបួស ស្នាមយ៉ាងធ្ងន់ធ្ងរតែម្ដង ហើយដេញ ចេញពីផ្ទះទាំងម្ដាយទាំងកូនដោយបោះ ខោអាវនិងសម្ភារមកក្រៅផ្ទះ ហើយ មិនបើកប្រាក់ខែឱ្យថែមទាំងបណ្ដេញឱ្យគាត់ទៅប្ដឹងទៀតផង ។
ស្ដ្រីរងគ្រោះបានបន្ដទៀតថា ជា ញឹកញាប់ណាស់ឱ្យតែជនជាតិអាល្លឺម៉ង់ នេះស្រវឹងស្រា តែងតែចាប់បង្ខំគាត់ឱ្យ រួមភេទដោយប្រើមាត់ព្រោះប្រដាប់ភេទ របស់ជននោះខ្សោយ ។ ចំណែករូបគាត់ ជាជនរងគ្រោះចេះតែទ្រាំទៅ ព្រោះ មិនស្គាល់គេ មានតែក្បាល២នាក់ម្ដាយ កូនរស់នៅស្រុកគេខំស៊ូទ្រាំធ្វើការមួយ ខែបាន១០០ដុល្លារឱ្យតែកូនបានរៀន ចប់សិន ។ ប៉ុន្ដែដោយការស៊ូទ្រាំពីទង្វើដ៏ ស្មោកគ្រោកពី១ថ្ងៃទៅ១ថ្ងៃមិនបាន ទើបនៅថ្ងៃកើតហេតុខាងលើ គាត់ក៏ សម្រេចចិត្ដប្ដឹងប៉ូលិសតែម្ដង ។
គួររំលឹកថា នៅថ្ងៃកើតហេតុមក ដល់ថ្ងៃដោះលែងជនជាតិអាល្លឺម៉ង់នេះមិនខុសពីសំដីជនជាតិអាឡល្លម៉ងទេថា ស្ដ្រីអ្នកបម្រើកុំចង់ប្ដឹងមិនខ្លាចទេ សមត្ថ កិច្ចប៉ូលិសខ្មែររឿងប៉ុណ្ណឹង ឱ្យតែមាន លុយឱ្យអត់បញ្ហា ។ ត្រង់នេះហើយទើប មានគេលួចខ្សឹបថា ការដោះលែងជន ជាតិអាល្លឺម៉ង់ម្នាក់នេះ ជាថ្នូរនឹងប្រាក់ រាប់ពាន់ដុល្លារចំណាយលើតុលាការ ។ តែស្ដ្រីរងគ្រោះរហូតមកដល់ថ្ងៃនេះនៅមិនទាន់មានសំណងជំងឺចិត្ដនិងទទួលបាន ប្រាក់ខែនៅឡើយ ។ តើនៅមានស្ដ្រីខ្មែរ ប៉ុន្មាននាក់ទៀតដែលត្រូវជនជាតិបរទេស ធ្វើបាបដូចសត្វធាតុ ហើយអ្នកដែល ប្រព្រឹត្ដគ្មានទោសដូចករណីមួយនេះ ?
ជុំវិញករណីដោះលែងជនជាតិអាល្លឺម៉ង់ខាងលើនេះ ភ្នាក់ងារនគរវត្ដមិន អាចសុំការបំភ្លឺពីមន្ដ្រីតុលាការខេត្ដកំពត បានទេ ៕
ដកស្រង់ពីគេហទំព័នគរវត្ត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]