បរទេស៖ លោក Ronald Koeman បានមានប្រសាសន៍ថា Lionel Messi គឺជាមនុស្សផ្តាច់ការបំផុតកំលុងពេលហ្វឹកហាត់នៅ Barcelona។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
តារាឆ្នើមសញ្ជាតិ អាហ្សង់ទីន ពិតជារីកចម្រើនខ្លាំងមែនទែនសម្រាប់ការបង្ហាញខ្លួននៅទឹកដី Camp Nou កន្លងមក រហូតដល់គាត់បានអភិវឌ្ឍន៍ខ្លួនក្លាយជាកីឡាករមួយរូបដែលគេទទួលស្គាល់ថាជាកីឡាករឆ្នើមនៅលើពិភពលោក, ខណៈនៅរដូវកាលនេះគាត់បានផ្លាស់ទៅចូលរួមជាមួយក្រុម Paris Saint-Germain ហើយ។
លោក Koeman ដែលត្រូវជាគ្រូបង្វឹករបស់ Barca បានទម្លាយពីរឿងពិតមួយចំនួនដែលខ្សែប្រយុទ្ធម្ចាស់ពាន Ballon d’Or ៦ សម័យធ្លាប់ធ្វើកំលុងពេលហ្វឹកហាត់ជាមួយមិត្តរួមក្រុម, ហើយលោកបានបង្ហើបឱ្យដឹងថា Messi តែងតែបង្ហាញអការៈខឹងសម្បារ ប្រសិនបើគាត់មិនអាចជួយឱ្យក្រុមរបស់គាត់ឈ្នះការប្រកួតនាពេលហ្វឹកហាត់បាន។
ថ្លែងប្រាប់គេហទំព័រ Voebal International លោក Koeman បានមានប្រសាសន៍យ៉ាងដូច្នេះថា៖
យើងតែងតែលេងរង្វិលជុំមុនពេលហ្វឹកហាត់។ យើងដាក់បាល់បង្វិលវា ២០ ដង, ក្រោយមកប្រសិនបើកីឡាករណាដែលនៅចំកណ្តាល នោះយើងត្រូវដាក់វេនឱ្យលេងបន្ថែមទៀត។ ប្រសិនបើរឿងនោះវាបានកើតឡើង ៣ ដងជាប់ៗគ្នាចំពោះកីឡាករណាម្នាក់, យើងនឹងរៀបកីឡាករជា ២ ជួរ ក្រោយមកយើងត្រូវឱ្យកីឡាករដែលចាញ់ ដើរឆ្លងកាត់ដោយមានមិត្តរួមក្រុមចាំទះក្បាលរបស់គេផងដែរ។ ពេលមួយខ្ញុំក៏បានសួរទៅកាន់ Messi ថាតើអ្នកបានជួបរឿងនោះម្តងហើយនៅ។ ក្រោយមកគាត់ឆ្លើយថា បាទខ្ញុំបានម្តងហើយ។ ពិតណាស់ គាត់ជាកីឡាករចាស់វស្សាម្នាក់នៅក្នុងក្រុម ហើយពីមុនមកគាត់មិនដែលចាញ់លំហាត់បែបនេះទល់នឹងក្មេងៗនោះទេ។ ហើយនេះវាជាលើកទី ១ ហើយដែល Messi ទទួលបានបែបនេះ មានដឹងអត់គាត់បានខឹងរហូតដល់ទៅ ១ សប្តាហ៍ឯណោះ។ ពិតជាផ្តាច់ការមែន៕
ប្រភព៖ Goal
Bong I.T