មកដឹងពីរបៀបនៃការញ៉ាំអាហារ របស់តារានិករនីមួយៗ

យល់ដឹង៖ ការញ៉ាំអាហារគឺជាផ្នែកមួយដ៏សំខាន់បំផុត នៃជីវិតរបស់មនុស្សយើងម្នាក់ៗ។ មនុស្សម្នាក់ៗក៏មានរបរអាហារខុសៗគ្នា មិនដូចគ្នាទាំងអស់ទេ ព្រោះអ្នកខ្លះអាចចូលចិត្តអាហារ ដែលមានប្រូតេអ៊ីនខ្ពស់ និងអ្នកខ្លះក៏ចូលចិត្តអាហារបែបបួស។

ខាងក្រោមនេះនឹងបង្ហាញពី របៀបនៃការញ៉ាំរបស់តារានិករនីមួយៗ ៖

♈️ Aries (Mar 21 – Apr 19)

Aries ចូលចិត្តអ្វីៗគ្រប់ដោយលឿន និងដោយឯកឯង។ ពួកគេមិនចូលចិត្តខ្ជះខ្ជាយ ពេលវេលារបស់ពួកគេ នៅក្នុងអាហារយូរទេ ដូច្នេះពួកគេមានចំណង់ចំណូលចិត្ត ចំពោះអាហារណាដែលងាយស្រួលធ្វើ ឬដាក់ក្នុងមីក្រូវ៉េវ។ ពួកគេត្រូវបានគេដឹងថា មានភាពទន់ខ្សោយចំពោះអាហារ ដែលមានរសជាតិហឹរ និងក្ដៅ។ ពួកគេត្រូវការញ៉ាំយឺត ៗ និងស្អាតដើម្បីចៀសផុតពីជំងឺសុខភាពផ្សេងៗ។

♉️ Taurus (Apr 20 – May 20)

Taureans ទំនងជាអ្នកញ៉ាំអាជីព។ ចំណែកធំបំផុតនៃសេចក្តីស្រលាញ់របស់ពួកគេ ចំពោះម្ហូបអាហារជាពិសេសគឺអាហារផ្អែម ឬបង្អែមជាដើម។ ពួកគេច្រើនតែអាចញ៉ាំអាហារបាន ប្រសិនបើពួកគេលង់នឹងអារម្មណ៍មនោសញ្ចេតនារបស់ពួកគេ ឬពេលណាដែលពួកគេពិបាកចិត្ត។ នេះអាចធ្វើឲ្យពួកគេងាយ នឹងមានបញ្ហាឡើងទម្ងន់ ដូច្នេះពួកគេត្រូវការផ្តាច់ទំនាក់ទំនង និងកុំសូវដាក់អារម្មណ៍ទៅលើអ្វីមួយពេក។ ដូចគ្នានេះផងដែរ ពួកគេមិនចូលចិត្តការរំខាន នៅពេលដែលពួកគេកំពុងហូបអាហារឡើយ។ ពួកគេចូលចិត្តអាហារនៅលើតុបរិភោគអាហារដែលមានផាសុកភាព។

♊️ Gemini (May 21 – Jun 20)

Gemini ត្រូវបានគេដឹងថា មានការរំខានតិចតួចបំផុត អំពីអ្វីដែលពួកគេកំពុងទទួលទាន។ ពួកគេមានការខ្វល់ខ្វាយ អំពីការមានសន្ទនា ដែលគួរឲ្យចាប់អារម្មណ៍ ក្នុងអំឡុងពេលញ៉ាំអាហារ ជាងអាហារខ្លួនឯងឡើយ។ នេះអាចធ្វើឲ្យពួកគេរំលងអាហារ បានយ៉ាងងាយស្រួល ហើយគ្រាន់តែភ្លេចថាពួកគេខកខានមួយពេល។ ប៉ុន្តែមានរឿងមួយគឺ ពួកគេមិនចូលចិត្តអាហារដូចគ្នាដដែល និងគួរឲ្យធុញទ្រាន់ទេ។ ដូច្នេះរបស់ដែលអ្នកប្រាកដថា អាចរកបាននៅក្នុងផ្ទះបាយរបស់ពួកគេ គឺមានច្រើនប្រភេទ។

♋️ Cancer (Jun 21 – Jul 22)

Cancer ត្រូវបានគេស្គាល់ ដោយសារជំនាញនៃការធ្វើម្ហូប។ ពួកគេគឺជាអ្នក ដែលទិញអាហារថ្លៃៗ និងគុណភាពល្អបំផុត។ ពួកគេត្រូវបានគេស្គាល់ផងដែរ ចំពោះការអាចញ៉ាំអាហាររហូត ដល់ពួកគេបាត់បង់ដង្ហើម ជាពិសេសនៅពេលដែលពួកគេភិតភ័យ និងមានការខ្លាចអ្វីមួយ។

គ្រប់គ្រងរបបអាហារ និងអារម្មណ៍ភ័យខ្លាចរបស់អ្នក ដើម្បីរក្សារបបអាហាររបស់អ្នក ឲ្យមានសុខភាពល្អ។

♌️ Leo (Jul 23 – Aug 22)

ពួកគេមិនសូវចូលចិត្តធ្វើម្ហូបខ្លួនឯងទេ Leo នៅតែមានចំណង់ចំពោះរបបអាហារដែលច្រើន។ ពួកគេគឺជាមនុស្សដែលចូលចិត្តញ៉ាំអាហារ នៅភោជនីយដ្ឋានថ្លៃៗ ជាមួយនឹងក្រុមមនុស្សល្អៗ។ ថ្វីត្បិតតែពួកគេញ៉ាំច្រើន ប៉ុន្តែតម្រូវការអាហារូបត្ថម្ភរបស់ពួកគេ អាចនឹងមិនបំពេញនូវអ្វីដែលពួកគេញ៉ាំទេ ព្រោះពួកគេញ៉ាំច្រើនជាងអ្វីដែលអ្នកគិត។ ពួកគេត្រូវការទទួលទានបន្លែ និងផ្លែឈើបន្ថែមទៀត ដើម្បីបំពេញតម្រូវការអាហារូបត្ថម្ភរបស់ពួកគេ។

♍️ Virgo (Aug 23 – Sep 22)

Virgo ត្រូវបានគេដឹងថា ជាតារានិករតែមួយគត់ ដែលអាចអាចសម្រកទម្ងន់ ដោយមិនមានអារម្មណ៍ខ្វល់ខ្វាយនោះទេ ព្រោះរបបអាហាររបស់ពួកគេ មានសារៈសំខាន់ណាស់សម្រាប់ពួកគេ ហើយពួកគេជឿជាក់ថា នឹងធ្វើអ្វីគ្រប់យ៉ាងឲ្យបានល្អឥតខ្ចោះ។ ពួកគេមានសេចក្តីស្រលាញ់ ចំពោះអាហារសរីរាង្គ ហើយអាចបង្កើតវេទមន្ត ជាមួយនឹងជំនាញធ្វើម្ហូបរបស់ពួកគេ។ ពួកគេមិនខ្វល់ពីតម្លៃគ្រឿងទេសទេ ប្រសិនបើនោះជាអ្វីដែលផ្តល់ឲ្យពួកគេនូវរសជាតិ និងជីវជាតិល្អប្រសើរ។ 

♎️ Libra (Sep 23 – Oct 22)

Libra មានកេរ្តិ៍ឈ្មោះល្បីល្បាញ ដោយសារធ្មេញផ្អែមរបស់ពួកគេ។ ពួកគេចូលចិត្តញ៉ាំចំណែកតូចៗ ជាងអ្វីផ្សេងទៀត ដូចជាសាឡាដ ជាការចាប់ផ្តើម បន្ទាប់មកគឺអាហារដែលសំខាន់ ប៉ុន្តែនៅពេលនិយាយអំពីបង្អែមបន្ទាប់ពីអាហារនោះ គឺជាអ្វីដែលពួកគេចង់បានបំផុត។ ពួកគេក៏ចូលចិត្តស្រា ដែលមានរសជាតិឈ្ងុយឆ្ងាញ់ និងបរិយាកាសកក់ក្ដៅដែលមានផាសុកភាព​ នៅពេលទទួលទានអាហារ។ 

♏️ Scorpio (Oct 23 – Nov 21)

តារានិករនេះ មានក្រអូមមាត់សម្រាប់អាហារហឹរ ដែលពួកគេអាចប្រាថ្នាចង់ញ៉ាំនៅពេលថ្ងៃ ឬមិនថានៅម៉ោង ៣ យប់ក៏ដោយ។ ពួកគេអាចទទួលទាន ក្នុងបរិមាណច្រើនក្នុងពេលតែមួយ ហើយប្រហែលជាមិនមានអ្វីសោះក្នុងពោះ រយៈពេលប្រាំមួយម៉ោងក្រោយមក។ ពួកគេត្រូវការទឹកច្រើន ព្រោះពេលខ្លះពួកគេងាយនឹងភ្លេចផឹកទឹក ពេញមួយថ្ងៃពេញក៏ថាបាន។

♐️ Sagittarius (Nov 22 – Dec 21)

Sagittarians មានសេចក្តីស្រលាញ់ ចំពោះការពិសោធន៍អាហារថ្មីៗ។ ពួកគេចូលចិត្តរសជាតិឆ្ងាញ់ ប្លែក និងអាចមានម្ហូបហឹរផងដែរ។ រឿងមួយដែលពួកគេធ្វើជាញឹកញាប់ គឺការតមអាហារច្រើន ក្នុងពេលតែមួយ ហើយរំលងអាហារ ៥ ពេលបន្ទាប់។ ក្រៅពីការទទួលទានច្រើនពេក ពួកគេក៏អាចមានការផឹកស្រាច្រើន ហើយនេះអាចនាំឲ្យមានបញ្ហាសុខភាពមួយចំនួន ដូចជាបញ្ហារំលាយអាហារ និងការធាត់។

♑️ Capricorn (Dec 22 – Jan 19)

Capricorns ត្រូវបានគេដឹងថាមានលក្ខណៈពិសេស​​ អំពីរបបអាហាររបស់ពួកគេ។ សម្រាប់ពួកគេរសជាតិ និងគុណភាព គឺសំខាន់បំផុត។ ពួកគេស្រលាញ់ម្ហូបនៅផ្ទះ ហើយដៃគូដែលចេះធ្វើម្ហូប គឺស្ថិតនៅក្នុងចំនុចដែលពួកគេត្រូវការ នៃអាពាហ៍ពិពាហ៍របស់ពួកគេ។ ពួកគេមិនចូលចិត្តអាហារហឹរពេកទេ  ប៉ុន្តែអាចធ្វើឲ្យមានអំបិលហួសកំរិតពេលខ្លះ។ កុំបង្ខំពួកគេឲ្យញ៉ាំច្រើនជាង អ្វីដែលពួកគេអាចធ្វើបាន ព្រោះពួកគេមិនចូលចិត្តការបង្ខំទេ។

♒️ Aquarius (Jan 20 – Feb 18)

តារានិករនេះច្រើនតែចូលចិត្តបួស ដោយសារមនោសញ្ចេតនាមនុស្សធម៌។ ពួកគេចូលចិត្តអាហារ ដែលមានកាឡូរីទាប ហើយអាចចូលចិត្តបន្លែ​ និងផ្លែឈើច្រើនជាង របបអាហារដែលមានជាតិប្រូតេអ៊ីន។ នេះជារឿងល្អ ប៉ុន្តែនៅពេលដែលពួកគេជាប់រវល់នឹងការងារ ពួកគេអាចញ៉ាំអ្វីក៏បាន តាមដែលអាចធ្វើទៅបាន។ តាមការពិតពួកគេក៏ងាយនឹងងងុយដេក នៅពេលយប់ជាងតារានិករផ្សេងទៀតដែរ។ ពួកគេត្រូវចៀសវាងបញ្ហានេះ ដើម្បីរាងកាយមានសុខភាពល្អ។

♓️ Pisces (Feb 19 – Mar 20)

Pisceans អាចចូលចិត្តអាហារតាមបែបធម្មជាតិច្រើន។ ការញ៉ាំអាហារជាញឹកញាប់ គឺជាវិធីដែលពួកគេនឹងបង្ហាញពីក្តីស្រលាញ់ ចំពោះមនុស្សជាទីស្រលាញ់របស់ពួកគេ។ ពួកគេចូលចិត្តការរៀបចំតុបតែង យ៉ាងស្រស់ស្អាត និងរ៉ូមែនទិកសម្រាប់អាហាររបស់ពួកគេ ប៉ុន្តែពួកគេអាចក្លាយជាអ្នកចូលចិត្តផឹក។ ដោយសារកត្តាទាំងនេះ ពួកគេត្រូវការការទទួលទានទឹកឲ្យបានប្រសើរ និងមានរបបអាហារបន្សាបជាតិពុលជាប្រចាំ។

ប្រភព: timesofindia