គ្រួសារថ្លៃថ្នូរ សុគន្ធកញ្ញា និងគ្រួសារ សមសួនណាស់ ក្នុងឈុតប្រពៃណី

កម្សាន្ត៖ មុននេះបន្តិច កំពូលតារាចម្រៀងអ្នកនាង ឱក សុគន្ធកញ្ញា បានបង្កភាពភ្ញាក់ផ្អើលមួយ ដោយបានបង្ហោះបង្អួតរូបភាពមួយចំនួនដោយមកជាមួយនូវឈុតបែបប្រពៃណីជាមួយគ្រួសារ ដែលមើលទៅពិតជាស្រស់ស្អាតថ្លៃថ្នូខ្លាំងមែនទែន។  

ជាមួយគ្នានេះ ស្របពេលពិធីបុណ្យបុណ្យភ្ជុំបិនក្នុងបិណ្ឌទី១ កំពូលតារាចម្រៀងប្រចាំផលិតកម្មរស្មីហង្សមាស​រូបនេះ បានបង្ហោះកម្រងរូបភាពជាច្រើនសន្លឹកជាមួយនឹងស្វាមី និងបុត្រាជាទីស្រលាញ់ដែលមានឈ្មោះហៅក្រៅថា ឆលី បូករួមនឹងទេសភាពបែបស្រុកស្រែមានស្រែចម្ការ រទេះគោ មានដើមត្នោតអមសងខាង មើលទៅពិតជាស្រស់ស្រាយខ្លាំងមែនទែ។

គួរបញ្ជាក់ផងដែលថា ក្រោយពី ឱក សុគន្ធកញ្ញា បង្ហោះរូបភាពហើយ ធ្វើឲ្យអ្នកគាំទ្រ សរសើរមិនដាច់ពីមាត់ អំពីគ្រួសារតូចដ៏មាន សុភមង្គលមួយនេះថា ពិតជាមានភាពកក់ក្តៅ និងសេចក្តីស្រលាញ់ យ៉ាងពេញលេញ នៅក្នុងគ្រួសារ៕  

សូមទស្សនារូបភាពខាងក្រោ​ម៖