បរទេស៖ លោក Ray Parlour បានគាំទ្រកីឡាករ Mohamed Salah ថាក្រោយពេលបញ្ចប់រដូវកាលរូបគេនឹងរកគ្រាប់បាល់បានច្រើនជាងកីឡាករ Cristiano Ronaldo, ក្នុងនោះគាត់ជឿជាក់ថា តារាឆ្នើមរបស់ Liverpool នឹងចូលលេងបានច្រើនប្រកួតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Salah ពិតជាធ្វើបានល្អមែនទែនសម្រាប់ការចាប់ផ្តើមរដូវកាល ២០២១-២០២២ នេះ, ជារួម ខ្សែប្រយុទ្ធសញ្ជាតិ អេហ្ស៊ីប វ័យ ២៩ ឆ្នាំរកគ្រាប់បាល់បានចំនួន ៥ គ្រាប់ ក្នុងចំណោមការបង្ហាញខ្លួន ៦ លើកកន្លងមកឱ្យក្រុម ហង្សក្រហម។
ចំណែកឯ Ronaldo វ័យ ៣៦ ឆ្នាំវិញ, ក៏នៅតែបង្ហាញទម្រង់លេងបានល្អឥតខ្ចោះដដែល ចាប់តែងពីគាត់ផ្លាស់ចេញពីក្រុម Juventus មកចូលរួមជាមួយក្រុម Manchester United ជាលើកទី ២, ខណៈការបង្ហាញខ្លួន ៣ លើកនៅ Premier League និង Champions League ក្នុងនោះគាត់រកបាន ៤ គ្រាប់។
ថ្លែងប្រាប់គេហទំព័រ talkSPORT លោក Parlour បានមានប្រសាសន៍យ៉ាងដូច្នេះថា៖
តើនរណាដែលនឹងរកគ្រាប់បាល់បានច្រើនជាងគេនៅរដូវកាលនេះ? វាពិតជាសំណួរល្អមែនទែន។ ខ្ញុំគិតថា Salah ប្រហែលជាគាត់រកគ្រាប់បាល់បានច្រើនជាង Ronaldo ទៅទៀត។ ក្នុងមួយរដូវកាល ខ្ញុំមិនគិតថា Ronaldo នឹងមិនអាចលេងគ្រប់ការប្រកួតបានទេ។ ហើយប្រសិនបើគាត់អាចលេងគ្រប់ការប្រកួតបានមែន, នោះវាពិតជារឿងដ៏អស្ចារ្យបំផុតសម្រាប់កីឡាករដែលមានវ័យ ៣៦ ឆ្នាំទៅហើយ៕
ប្រភព៖ Metro
Bong I.T