អង់គ្លេស៖ អតីតកីឡាករជម្រើសជាតិអង់គ្លេសលោក Shaun Wright-Phillips បានទទូចឲ្យកីឡាករ Callum Hudson-Odoi ចាកចេញពី Chelsea ប្រសិនបើរូបគេចង់ក្លាយជាកីឡាករល្អដែលគេអាចធ្វើបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Odoi ដែលទទួលបានឱកាសបង្ហាញខ្លួនជាលើកដំបូងជាមួយក្រុមឈុតធំអង់គ្លេសកាលពីឆ្នាំ២០១៩ ធ្លាប់ទទួលបានសំណើពីក្លិបធំៗជាច្រើននៅក្នុងតំបន់អឺរ៉ុប កំពុងតែជួបផលវិបាកច្រើននៅពេលនេះក្រោមការដឹកនាំរបស់លោក Thomas Tuchel ដោយសារតែរូបគេមិនសូវទទួលបាននាទីលេងនៅលើទីលាន ខណៈ រូបគេជាកីឡាករវ័យក្មេងដែលមានសក្តានុពលម្នាក់នៅក្នុងក្រុម។
លោក Phillips បាននិយាយថា៖
វាអាស្រ័យទៅលើគាត់ ថា គាត់ចង់ចង់បង្ហាញពីសក្តានុពលរបស់គាត់ឬយ៉ាងណា។ ប្រសិនបើគាត់ចង់ក្លាយជាកីឡាករដែលពេលខ្លះអាចបង្ហាញខ្លួន និង ពេលខ្លះមិនអាចបង្ហាញខ្លួន នោះ គាត់បន្តនៅ Chelsea។ យ៉ាងណាក្តី ប្រសិនបើគាត់ចង់បង្ហាញខ្លួននៅលើទីលានឲ្យបានច្រើន និង បង្ហាញពីហេតុផលដែល Bayern Munich ធ្លាប់ចង់បានគាត់ នោះ គេត្រូវតែសម្រេចចិត្តចាកចេញ៕
ប្រភព៖ metro
Bong I.T