អឺរ៉ុប៖ ម្តាយរបស់កីឡាករ Cristiano Ronaldo គឺ លោកស្រី Dolores Aveiro បានទម្លាយឲ្យដឹងថា ប្រសិនបើកូនប្រុសរបស់ខ្លួនមិនអាចចូលរួមជាមួយ Sporting CP មុនចូលនិវត្តន៍បាន នោះ ភារកិច្ចនេះទុកឲ្យចៅប្រុស Cristiano JR ជាអ្នកធ្វើជំនួស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ លោកស្រី Aveiro គឺ ជាអ្នកគាំទ្រដ៏ងប់ងល់របស់ Sporting នៃលីគកំពូលព័រទុយហ្កាល់ ហើយ លោកស្រីចង់ឃើញសមាជិកគ្រួសាររបស់ខ្លួនលេងឲ្យក្លិបមួយនេះម្តងទៀតមុនពេលដែលលោកស្រីបាត់បង់ជីវិត។
លោកស្រី Aviero បាននិយាយថា៖
Ronaldo ត្រូវតែត្រឡប់មក Sporting វិញ។ គាត់ចូលចិត្តទស្សនាការប្រកួរបស់ Sporting ណាស់។ ខ្ញុំធ្លាប់ប្រាប់ទៅគាត់ថា កូនប្រុស មុនពេលខ្ញុំស្លាប់ ខ្ញុំចង់ឃើញឯងលេងនៅ Sporting។ គាត់បាននិយាយថា ចាំមើលសិន ហើយ ប្រសិនបើគេមិនអាចធ្វើបានទេ ទុកឲ្យកូនប្រុស Cristiano JR ជាអ្នករ៉ាប់រង់បំណងនេះជំនួស៕
ប្រភព៖ goal
Bong I.T