កម្សាន្ត៖ បន្ទាប់ពីឡើងចំនួនអ្នកចូលមើលការ Live លក់អីវ៉ាន់របស់ សួស វីហ្សា និង ថមមី ដែលមានលក្ខណៈកំប្លែងលេងសើចជាមួយអ្នកទស្សនា ធ្វើឲ្យមានអ្នកមើលរហូតដល់ ១២០ម៉ឺននាក់ជាង កាលពីប៉ុន្មានថ្ងៃមុន។ អ្នកទាំងពីរបានបំបែបប្រវត្តិសាស្ត្រអ្នកលក់អនឡាញដែលមិនប្រើពាក្យជេរនិងដៀលអ្នកដ៏ទៃដើម្បីមានអ្នកចូលមើល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ដោយឡែក មហាជនមានការពេញចិត្តនិងគាំទ្រជាខ្លាំងចំពោះទង្វើ សួស វីហ្សា និងស្វាមី ដែលធ្វើជាគំរូល្អដល់អ្នកលក់អនឡាញគ្រប់រូបនិងថែមទាំងផ្ដល់សំណើចកម្សាន្តដល់អ្នកទស្សនាទៀតផង។ លើសពីនោះ ចំនួនអ្នកចូលមើលការ live របស់តារាប្រុសស្រីទាំងពីររូបកាន់តែមានចំនួនច្រើនឡើងៗ ធ្វើឲ្យ សួស វីហ្សា ពោលពាក្យអរគុណមួយចំនួនទៅកាន់មហាជនតាមរយៈការបង្ហោះសារមួយនៅក្នុងបណ្ដាញសង្គមថា៖
យប់នេះ១៦៣ម៉ឺន view នាងខ្ញុំនិងស្វាមី គ្មានពាក្យអ្វីក្រៅពីអរគុណដល់លោកយាយលោកតាអុំពូមីងដែលស្រលាញ់ចូលចិត្តខ្ញុំទាំងពីរនាក់ ហើយចង់បញ្ជាក់ថាខ្ញុំទាំងពីរក៏គ្មានចេតនាអាក្រក់រឺបំពុលសង្គមអ្វីដែរ ចេតនារបស់យើងតែមួយគត់គឺចង់អោយបងប្អូនបានសើចសប្បាយ នឹងរំសាយអស់ទុក្ខកង្វល់តែប៉ុណ្ណោះ ហេតុនេះបើមានកន្លែងណាដែលមើលទៅឆ្គាំឆ្គងមិនសមរម្យក៏សុំអធ្យាស្រ័យដល់ខ្ញុំទាំងពីរផងចុះ ជាចុងក្រោយសូមជូនពរដល់លោកយាយលោកតាបងប្អូនអុំពូមីង ជួបតែសេចក្ដីសុខ មានតែស្នាមញញឹម និងមានសុភមង្គលគ្រប់ក្រុមគ្រួសារ ដោយសេចក្ដីគោរពពីយើងខ្ញុំទាំងពីរនាក់ Tommy&Visa
មិនមែនមានតែអ្នកនាង សួស វីហ្សាប៉ុណ្ណោះទេតែបង្ហោះសារអរគុណដល់បណ្ដាមហាជនក្មេងចាស់ប្រុសស្រីដែលចូលមើលការ Live របស់អ្នកទាំងពីរ សូម្បីតែខាងលោក ថមមី វិញក៏បានបញ្ចេញពាក្យសម្ដីសូមថ្លែងអំណរគុណយ៉ាងជ្រាលជ្រៅផងដែរ៕
Bong I.T