ជប៉ុន៖ នារយៈពេលប៉ុន្មានថ្ងៃចុងក្រោយនេះ មានរូបភាពមួយចំនួន ដែលបង្ហាញនូវខ្មៅដៃមេកានិកដ៏ធំមួយ ត្រូវបានគេបង្ហោះចែកចាយពាសពេញបណ្ដាញអ៊ីនធឺណេត ដោយទទួលបានការចាប់អារម្មណ៍យ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមប្រភពដើមនៃអត្ថបទបានឲ្យដឹងថា ខ្មៅដៃមេកានិកនេះ ត្រូវបានបង្កើតឡើងដោយក្រុមហ៊ុន Sakura Color Products Corp ហើយវាត្រូវបានគេប្រើប្រាស់យកទៅសរសេរអក្សរធម្មតា តែដាក់តួខ្មៅដៃនៅលើស្មាដើម្បីទប់លំនឹង ដែលមើលទៅហាក់ដូចជាមានទម្ងន់ធ្ងន់ណាស់អីចឹង។
ទន្ទឹមនឹងនេះដែរ មានអ្នកប្រើប្រាស់បណ្ដាញអ៊ីនធឺណេតមួយចំនួន បានងើងឆ្ងល់ថាបង្កើតវាឡើងដើម្បីអ្វី និងបញ្ចេញមតិបែបលេងសើចដោយលើកឡើងថា តើពួកគេយកវាប្រើការតាមខ្លួនបានយ៉ាងម៉េច? ហើយមួយចំនួនទៀតគិតថា វាមើលទៅដូចជាដងឆ័ត្រ ឬដាវជាដើម។
យ៉ាងណាមិញ ខាងក្រុមហ៊ុនខាងលើ មិនទាន់ប្រកាសពីមូលហេតុនៃការបង្កើត ឬគម្រោងដាក់លក់ខ្មៅដៃដ៏ធំរបស់ខ្លួននៅឡើយទេ៕
ប្រភព: soranews24
សូមទស្សនារូបភាពនិងវីដេអូខាងក្រោម៖