ល្អទៅៗហើយ! វឌ្ឍនាកា ជា កីឡាករទីមួយក្នុងរដូវកាលនេះដែលធ្វើរឿងមួយនេះបាន... (មានវីដេអូ)

កម្ពុជា៖ ខ្សែប្រយុទ្ធក្លិប បឹងកេត កីឡាករ ចាន់ វឌ្ឍនាកា កំពុងតែធ្វើឲ្យអ្នកគាំំទ្ររបស់ខ្លួនរំភើបជាមួយនឹងថ្វីជើងស៊ុតបញ្ចូលទីគេ និង មានមហាជនជាច្រើនសង្ឃឹមថា រូបគេនឹងទទួលបានការកោះហៅឲ្យជាប់ជម្រើសជាតិកម្ពុជាឡើងវិញ។

ជាការពិតណាស់ ឆ្លងកាត់ការប្រកួតចំនួន១៣សប្តាហ៍មកនេះ គឺ វឌ្ឍនាកា កំពុងឈរលើគេក្នុងតារាងអ្នកស៊ុតបញ្ចូលទីសញ្ជាតិកម្ពុជាច្រើនជាងគេដោយមាន ១២គ្រាប់ នៅក្នុងដៃ ហើយ ក្នុងការប្រកួតថ្ងៃសៅរ៍កន្លងទៅនេះ កីឡាករមកពីខេត្តកំពតខាងលើ ក៏រកបានពីរគ្រាប់ម្នាក់ឯងជួយបឹងកេត សងសឹក វិសាខា បានសម្រេចផងដែរ។

អ្វីដែលគួរឲ្យចាប់អារម្មណ៍នោះ គឺ នៅក្នុងរដូវកាលនេះនៃក្របខណ្ឌលីគកំពូលកម្ពុជា គឺ វឌ្ឍនាកា បានក្លាយជាកីឡាករដំបូងគេបង្អស់ដែលអាចស៊ុតបញ្ចូលទីតាមរយៈការទាត់បាល់ប៉េណាល់ទី (ទល់នឹងអាស៊ីអឺរ៉ុប) បាល់ Free-Kick (ទល់នឹងព្រៃវែង) និង បាល់ជ្រុង Corner Kick (ទល់នឹងវិសាខា) ពោល មិនទាន់មានកីឡាករណាផ្សេងទៀតនៅក្នុងលីគកំពូលកម្ពុជាអាចធ្វើបានដូចគេនៅឡើយទេ៕