កម្សាន្ត.៖ តារាថៃ Tomboy ដ៏ល្បីល្បាញ Tina Suppanad គឺជាតារាសម្ដែង អ្នកបង្ហាញម៉ូដ អ្នកចម្រៀង និងជា Dj ផងដែរ មិនត្រឹមតែមានទេពកោសល្យសិល្បៈនោះទេ Tina ថែមទាំងមានរូបសម្បត្តិសង្ហារទាក់ចិត្តនារីៗ។ Tina ស្រាប់តែបង្ហោះរូបខ្លួនគ្រងឈុតកូនក្រមុំ ដែលធ្វើឲ្យមហាជនភ្ញាក់ផ្អើលជាខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតារារូបសង្ហារ Tina ចាប់ផ្ដើមមានកេរ្តិ៍ឈ្មោះល្បីល្បាញចាប់តាំងពីពេល ខ្លួនសម្ដែងជាតួឯកនៅក្នុងរឿង Yes or No ដែលជារឿងបែបស្រលាញ់ភេទដូចគ្នា។ Tina មានប្រជាប្រិយភាពជាខ្លាំងបន្ទាប់ពីដើរតួឯកក្នុងរឿងនោះមក ជាពិសេសអ្នកគាំទ្រនៅប្រទេសចិន។
តារាសម្ដែង Tina មិនដែលតែងខ្លួនឬស្លៀកសម្លៀកបំពាក់ស្រីៗនោះទេពីមុនមក ព្រោះខ្លួនគឺជា Tomboy ដែលចូលចិត្តស្លៀកពាក់តែងខ្លួន និងចរិករឹងមាំដូចជាមនុស្សប្រុស។ ប៉ុន្ដែថ្មីៗ Tina បានបង្ហោះរូបខ្លួនដែលគ្រងឈុតកូនក្រមុំប្រៀបដូចជាកំពុងនឹងរៀបការជាមួយនរណាម្នាក់។
នេះជាលើកទី១ហើយដែល Tina តុបតែងខ្លួនបែបនេះ ធ្វើឲ្យមហាជនមានការភ្ញាក់ផ្អើលនិងសរសើរពីសម្រស់របស់ Tina មិនថាស្លៀកពាក់ជាស្រីឬប្រុសក៏នៅតែស្រស់សង្ហារជានិច្ច។ ការពិតដែល Tina គ្រងឈុតនេះ ពីព្រោះតែជាការថតផ្សាយពាណិជ្ជកម្មតែប៉ុណ្ណោះ មិនមែនរៀបការមែនទែននោះទេ៕