Zhao Liying ឈ្នះក្ដី និងទទួលបានប្រាក់សំណង ទៅដល់....

ចិន៖ នៅក្នុងរយៈពេលប៉ុន្មានឆ្នាំចុងក្រោយមកនេះ តារាល្បីៗជាច្រើន ត្រូវបានប្រើប្រាស់ដោយខុសច្បាប់ដោយពីក្រុមហ៊ុនម៉ាកផលិតផលតូចៗ ក្នុងគោលបំណងផ្សព្វផ្សាយពាណិជ្ជកម្ម ដោយសិល្បករខ្លះ បានដាក់ពាក្យបណ្ដឹងទៅកាន់ក្រុមហ៊ុនទាំងនេះ ដើម្បីការពាររូបភាព និងកេរ្តិ៍ឈ្មោះរបស់ពួកគេ ក៏ដូចជាព្រមានដល់អ្នកគាំទ្រឱ្យមានការប្រុងប្រយ័ត្ននិងចៀសវាងការបោកប្រាស់ពីការយកផលចំណេញ ឬទិញផលិតផលដែលមានគុណភាពអន់ ធ្វើឱ្យប៉ះពាល់ដល់សុខភាព។

យ៉ាងណាមិញ ថ្មីៗនេះ តារាសម្ដែងស្រី Zhao Liying ក៏ជាសិល្បករមួយរូបក្នុងចំណោមនោះ ដោយយោងតាម ប្រព័ន្ធផ្សព្វផ្សាយចិនមួយ បានរាយការណ៍ថា តុលាការទីក្រុងប៉េកាំង បានចេញសេចក្តីសម្រេចមួយនៅក្នុងករណីដែលតារាស្រីរូបនេះ បានប្តឹងទៅក្រុមហ៊ុនមួយពីបទប្រើប្រាស់រូបភាពខុសច្បាប់ ហើយជាលទ្ធផល សិល្បករស្រីរូបនេះ ក៏បានឈ្នះក្តី ផងដែរ។

មិនត្រឹមតែប៉ុណ្ណោះ បន្ទាប់ពីការជំនុំជម្រះក្តីរួចមក ក្រុមហ៊ុនមួយនេះ ត្រូវបានបដិសេធការប្តឹង នៅក្នុងករណីរបស់ Zhao Liying ។ ប៉ុន្តែ តុលាការក៏បានតម្កល់សាលក្រម ដែលជនជាប់ចោទនឹងត្រូវសងជំងឺចិត្តដល់រូបនាង នូវចំនួនទឹកប្រាក់ប្រមាណជាង ៤៥០.០០០ យ័ន (ប្រហែលជិត ៧ម៉ឺន ដុល្លា) នៅក្នុងរយៈពេល ១០ ថ្ងៃ។ ជាពិសេស ក្រុមហ៊ុននេះ ព្រមទាំងមានកាតព្វកិច្ចធ្វើការសុំទោសជាសាធារណៈ ហើយធ្វើការដកចេញនូវផលិតផលទាំងអស់ដែលបានលក់ក្រោមឈ្មោះ Zhao Liying នៅលើទីផ្សារ៕

ប្រភព៖ Ngoisao.vn

សូមទស្សនារូបភាពខាងក្រោម៖