អាល្លឺម៉ង់ កំពុងបណ្ដុះបណ្ដាលគោឲ្យចេះចូលបង្គន់ ដើម្បីកាត់បន្ថយឧស្ម័នផ្ទះកញ្ចក់ (មានវីដេអូ)

អាល្លឺម៉ង់៖ នៅក្នុងការសិក្សាមួយធ្វើឡើងនៅប្រទេសអាល្លឺម៉ង់ អ្នកវិទ្យាសាស្ត្របានបណ្ដុះបណ្ដាលសត្វគោឲ្យចេះប្រើប្រាស់បង្គន់ ដែលបានកំណត់ ហើយបន្ទាប់មក ទឹកនោមរបស់ពួកវា នឹងត្រូវបានគេប្រមូលនិងយកទៅចម្រោះ។

តាមប្រភពព័ត៌មានបានឲ្យដឹងថា អាម៉ូញាក់ពីទឹកនោមរបស់សត្វគោ ប្រែទៅជាឧស្ម័នផ្ទះកញ្ចក់នីត្រាតអុកស៊ីដ នៅពេលវាលាយជាមួយដី ហើយការចាប់យកទឹកនោម៨០ភាគរយរបស់ពួកវា អាចកាត់បន្ថយការបញ្ចេញអាម៉ូញាក់ចំនួន៥៦ភាគរយ។ នៅទូទាំងពិភពលោក ប្រហែល១០ភាគរយនៃការបំភាយឧស្ម័នផ្ទះកញ្ចក់ទាំងអស់ចេញពីសកម្មភាពរបស់សត្វគោក្របី។ ហើយទន្ទឹមនឹងនេះដែរ ក្រុមអ្នកស្រាវជ្រាវបានព្យាយាមបង្ហាត់បង្រៀនសត្វគោចំនួន១៦ក្បាលឲ្យប្រើបង្គន់ ដែលមានឈ្មោះថា “MooLoo” នៅកសិដ្ឋានដែលគ្រប់គ្រងដោយវិទ្យាស្ថានស្រាវជ្រាវជីវវិទ្យាសព្វពាហនៈ និងចំណាយអស់រយៈពេល១៥ថ្ងៃ។

យ៉ាងណាមិញ ទីបំផុតអ្នកស្រាវជ្រាវ បានរកឃើញសត្វគោចំនួន១១ក្បាល ត្រូវបានបណ្ដុះបណ្ដាលឲ្យចេះប្រើបង្គន់ដោយជោគជ័យ៕

ប្រភព: BBC / South China Morning Post

សូមទស្សនារូបភាពនិងវីដេអូខាងក្រោម៖