បរទេស៖ យោងតាមគេហទំព័រ CNET បានឲ្យដឹងថា ក្រុមហ៊ុន LG បានប្រកាសបង្ហាញនូវទូរទស្សន៍សេរ៊ីថ្មីនៃអេក្រង់បង្ហាញរោងកុនតាមផ្ទះ Direct View LED (DVLED) ដែលមានអេក្រង់ HD ទំហំចាប់ពី108អ៊ីញដ៏ធំ រហូតដល់អេក្រង់ 8K ទំហំ325អ៊ីញ ដែលមានតម្លៃ1.7លានដុល្លារ និងមានទម្ងន់ជាង907គីឡូក្រាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីមុន ក្រុមហ៊ុនបានលក់អេក្រង់បង្ហាញនេះសម្រាប់អ្នកផ្សព្វផ្សាយពាណិជ្ជកម្ម ប៉ុន្តែឥឡូវពួកគេបានលក់វាទៅកាន់អ្នករាល់គ្នា ដែលអាចលៃលកទិញវាបាន។ ជាក់ស្ដែង ទំហំអេក្រង់ទាំងនេះមានន័យថា ការបញ្ចាំងកុនតាមផ្ទះមិនត្រូវគ្នាជាមួយនឹងផ្ទះរបស់ប្រជាជនជាច្រើនទេ។
ដូចដែល CNET បានចង្អុលបង្ហាញថា វាជាការប្រសើរក្នុងការគិតគូរអំពីអេក្រង់បង្ហាញ DVLED ថ្មីរបស់ LG ដើម្បីជំនួសផ្លាស់ projector តម្លៃថ្លៃ ដែលអាចបង្ហាញរូបភាពទំហំ100អ៊ីញឬក៏ធំជាងនេះ។ ជាការពិត អេក្រង់ DVLED មានតម្លៃថ្លៃជាង ប៉ុន្តែអ្នកអាចទទួលបានអេក្រង់ដែលបញ្ចេញពន្លឺគ្រប់គ្រាន់ សម្រាប់នៅក្នុងបន្ទប់ មិនដូចរូបភាពខ្វះពន្លឺចេញពី projector នោះទេ។ លទ្ធផលពន្លឺខ្ពស់បំផុតសម្រាប់អេក្រង់ LG ភាគច្រើន ស្ថិតនៅ 1,200 nits៕
ប្រភព: The Verge