គេផ្អើលអស់កន្លះផែនដី តារាល្បីៗទាំងនេះ មិនទៅចូលរួមកម្មវិធី Met Gala ឲ្យហ្វេនចាំស្កក

កម្សាន្ត៖ កម្មវិធីលំដាប់ថ្នាក់ពិភពលោក Met Gala ដែលទើបតែបានប្រារព្ធរួចរាល់កាលពីថ្ងៃទី១៤ កញ្ញាកន្លងទៅនេះ មានភ្ញៀវកិត្តិយសលំដាប់កំពូលសុទ្ធតែជាតារាហូលីវូដនិងតារាល្បីៗជាច្រើនរូបដែលបានចូលរួម។ ដោយឡែកតារាលំដាប់កំពូលប៉ុន្មានរូបនេះបែរជាមិនបង្ហាញខ្លួនទៅវិញ។

មហាជននិងអ្នកគាំទ្រមានការងើយឆ្ងល់ជាខ្លាំងនៅពេលដែលតារាលំដាប់កំពូលទាំងនេះ មិនបានចូលរួមនៅក្នុងកម្មវិធី Met Gala ដែលពួកគេធ្លាប់មានមុខកាលពីឆ្នាំ២០២០កន្លងទៅនេះ។ កម្មវិធីលំដាប់ពិភពលោកមួយនេះ មិនដែលបាត់មុខកំពូលសិល្បករទាំងប៉ុន្មាននាក់នេះនោះទេ ប្លែកអីតែឆ្នាំនេះបែរជាមិនមកទៅវិញដែលធ្វើឲ្យអ្នកគាំទ្ររងចាំស្កកអស់។ 

មកដឹងពីមូលហេតុដែលសិល្បករលំដាប់កំពូលទាំងប៉ុន្មានដួងនេះមិនបានទៅចូលរួមកម្មវិធី Met Gala ក្នុងឆ្នាំ ២០២១នេះ៖ 

១. Kylie Jenner 

អ្នកម៉ាក់កូន២រូបនេះ ទោះមិនបាច់ប្រាប់ក៏ដឹងដែលថាមានមូលហេតុច្បាស់លាស់ណាស់ខ្លួនមិនបានចូលរួមកម្មវិធីដូចរាល់ឆ្នាំនោះទេ ពីព្រោះ Kylie ទើបតែសម្រាលកូនទី២ថ្មីៗ ដូចនេះនាងរវល់មើលថែកូនមិនអាចទៅចូលរួមហឺហាបាននោះទេ។ 

២. Nicki Manaj 

ចំពោះតារារ៉េប Nicki Manaj វិញ នាងក៏មានមូលហេតយសមហេតុផលផងដែរ ដែលមិនអាចឲ្យនាងចូលរួមជាភ្ញៀងកិត្តិយសក្នុងកម្មវិធី Met Gala។ សាមីខ្លួនបានបញ្ជាក់ដោយខ្លួនឯងថា នាងមិនទាន់បានចាក់វាក់សាំង ដោយសារតែកម្មវិធីតម្រូវឲ្យចាក់ថ្នាំការពារ ដូចនេះនាងមិនមានអារម្មណ៍ចង់ទៅ។ 

៣. Ariana Grande 

កំពូលតារាចម្រៀង Ariana Grande មិនបានបញ្ជាក់ពីមូលហេតុពិតប្រាកដពីមូលហេតុដែលមិនមានវត្តមាននៅក្នុងកម្មវិធី Fashion មួយនេះទេ។ ទោះបីជាមិនប្រាប់ ប៉ុន្ដែមហាជនបានសន្មត់ថា Ariana Grande ទៅក្រេបទឹកឃ្មុំជាមួយស្វាមីមិនទាន់អស់ចិត្ត ព្រោះពួកគេទើបតែរៀបការថ្មីថ្មោង។

៤. Taylor Swift 

មិនថាតែកម្មវិធីឲ្យពានរង្វាន់ឬកម្មវិធីលំដាប់ធំប៉ុនណានោះទេ Taylor មិនបានបង្ហាញខ្លួននោះឡើយ នាងបានបាត់មុខពីបណ្ដាញសង្គមមិនសូវចេញទៅណាមកណានោះទេ។ Taylor ក៏កំពុងតែត្រៀមធ្វើការប្រគំតន្ត្រីរបស់នាងផងដែរ ទើបនាងមិនមានពេលទំនេរខ្វល់រឿងកម្មវិធី។ 

៥. Harry Style 

ចំពោះតារា Pop រូបនេះ ឆ្នាំមុនៗនៅក្នុងកម្មវិធី Met Gala មិនដែលបាត់វត្តមាន Harry Style ម្ដងណាឡើយ ខកចិត្តអីតែលើកនេះ មហាជនបែរជាមិនឃើញស្រមោល Harry មកទៅវិញ។ តាមការពិតមានតែហ្វេនៗរបស់លោកទេ ទើបដឹងថា​ Harry កំពុងតែមមាញឹកជាមួយនឹងការប្រគំតន្ត្រីរបស់ខ្លួននៅឯ សហរដ្ឋអាមេរិក។

៦. Lady Gaga 

តារាចម្រៀង Pop នេះវិញ រៀងរាល់ឆ្នាំនៃកម្មវិធី Met Gala លើកណា ក៏ Lady Gaga បង្ហាញខ្លួនប្លែកៗរហូត ឆ្នាំនេះប្លែកទៀតហើយ គឺបាត់ដំណឹងសូន្យឈឹងតែម្ដង។ ប្រភពបានឲ្យដឹងថា គេបានប្រទះឃើញ Lady Gaga ចុងក្រោយបង្អស់នៅឯ Los Angeles ម្ដងប៉ុណ្ណោះ។ 

៧.​ Zendaya

តារាសម្ដែងកូនកាត់រូបនេះ កំពុងតែឡើងកូដខ្លាំងមានការងារហូរចូលដូចទឹក ដូចនេះ Zendaya នាងមិនមានពេលចូលរួមកម្មវិធីបានទេ ព្រោះខ្លួនរវល់ការងារដែលមិនអាចខកខានបាន។ កាលពីឆ្នាំ ២០១៩ Zendaya បានស្លៀករ៉ូបដូចព្រះនាង Cinderella ថែមទាំងរ៉ូបនោះអាចផ្លាស់ប្ដូរពណ៌បានទៀតផង ដោយឡែកក្នុងឆ្នាំនេះ នាងបានសម្ដែងការសោកស្ដាយដែលមិនអាចចូលរួមនិងសុំទោសទៅដល់ហ្វេនៗខកចិត្តដែលរងចាំវត្តមាននាង។

៨. Beyonce 

កំពូលតារាចម្រៀងលេខ១ Beyonce នេះវិញ នៅក្នុងថ្ងៃគេប្រារព្ធកម្មវិធី Met Gala ភ្ញៀវចូលរួមព្រោងព្រាត ចំណែកឯខ្លួនវិញសម្ងំនាំកូនចៅនិងស្វាមីដើរលេងកម្សាន្តយ៉ាងរំភើយ។ ប្រភពបានឲ្យដឹងថា Beyonce ខកខានចូលរួមនោះមកពី ខ្លួនរវល់ធ្វើដំណើរកម្សាន្តនៅឯអឺរ៉ុបជាមួយគ្រួសារ។