បើសិនជាប្រិយមិត្ត កំពុងតែហាន់បន្លែឬក៏ចិតផ្លែឈើ ហើយស្រាប់តែធ្វេសប្រហែសបណ្តាលអោយមុតដៃ នោះប្រាកដជាមានអារម្មណ៍ឈឺចាប់ ជាមិនខាន។
ប៉ុន្តែមានបុរសម្នាក់នៅប្រទេសចិន ត្រូវបានបុរសស្ទាវម្នាក់ចាក់ពីក្រោយខ្នងមួយកាំបិត ក្នុងខណៈពេលដែលគាត់កំពុង ដកប្រាក់តាមរយៈម៉ាស៊ីន ATM ដល់ថ្នាក់ហូរឈាមពេញខ្លួនហើយ នៅតែឈរដកលុយធម្មតា ដូចគ្មានរឿងអីអញ្ចឹង។ បើសិនជាប្រិយមិត្តមើលតាមវីដេអូប្រិយមិត្តនឹងបាន ឃើញមាននារីម្នាក់ពាក់អាវពណ៌ក្រហម មានឈរតំរង់ជួរចាំ ដកប្រាក់ពីម៉ាស៊ីន ATM មួយសន្ទុះក៏មានបុរសម្នាក់ទៀត បានប្រជ្រៀតចូលទៅដកប្រាក់មុនដោយមិនបានតំរង់ជួរ ឡើយ។ មិត្តប្រុសរបស់នារីពាក់អាវក្រហម ក៏បានស្រែកដេញអោយគាត់ចេញក៏ប៉ុន្តែគាត់ មិនព្រមចេញនោះទេ។ បុរសស្ទាវម្នាក់នោះក៏បានដកកូនកាំបិត ហើយឡើងតោងទ្វារ ទៅចាក់បុរសម្នាក់នោះមួយកាំបិតតែម្តង ប៉ុន្តែគាត់មិនមានប្រតិកម្មខ្លាំងក្លានោះទេ ហើយបើយើងមើលអាវរបស់គាត់ពេលដែល គាត់ចេញមកវិញនោះយើងបាន ឃើញថា អាវរបស់គាត់ប្រឡាក់សុទ្ធតែឈាម។
អ្នកដែលបានឃើញវីដេអូនេះស្ទើរតែទាំងអស់ បានសួរថា សន្តិសុខដែលឈរនៅទីនោះខ្វាក់ភ្នែកមែនទេ ?
គួរបញ្ជាក់ផងដែរថា គាត់បានទូរស័ព្ទហៅប៉ូលិសដើម្បីឃាត់ខ្លួនបុរសស្ទាវម្នាក់នោះផងដែរ។
សូមប្រិយមិត្តមើលវីដេអូខាងក្រោម ៖
ដោយ ៖ អម្រិត
ខ្មែរឡូត
សូមប្រិយមិត្តជួយចុច Add Comment ដើម្បីបញ្ចេញមតិ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]