ពាក្យចចាមអារ៉ាមចុងក្រោយបង្ហាញថា សេរ៊ី iPhone 13 មួយចំនួន នឹងមានទំហំផ្ទុកទិន្នន័យ រហូតដល់ 1TB

//s9.kh1.co/e8/e84242e83e613d841d6a746df250b6688d996432.jpg
បច្ចេកវិទ្យា

 ១៣-កញ្ញា-២០២១ ៩ព្រឹក · ៣ ឆ្នាំមុន

ការលេចធ្លាយនិងពាក្យចចាមអារ៉ាមមុនៗបានចង្អុលបង្ហាញ អំពីទូរសព្ទ iPhone 13 ដែលនឹងរួមបញ្ចូលទាំងម៉ូឌែលចំនួនបួន ដែលមានទំហំដូចគ្នានឹងម៉ូឌែលឆ្នាំមុន។

បរទេស៖ ប៉ុន្មានថ្ងៃមុនព្រឹត្តិការណ៍ California Streaming របស់ Apple នៅថ្ងៃទី១៤ ខែកញ្ញា (ត្រូវនឹងថ្ងៃទី១៥ នៅកម្ពុជា) របាយការណ៍ថ្មីមួយពីអ្នកវិភាគ លោក Ming-Chi Kuo និយាយថា គាត់រំពឹងថា iPhone 13 Pro និង iPhone 13 Pro Max នឹងមានអង្គផ្ទុកទិន្នន័យទំហំរហូតដល់ 1TB។ លោក Kuo និយាយថា iPhone 13 និង iPhone 13 mini នឹងមានអង្គផ្ទុកទិន្នន័យ 128GB, 256GB, និង 512GB ប៉ុន្តែមិនមានជម្រើស 64GB នោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Kuo ក៏បាននិយាយផងដែរថា គាត់រំពឹងថា Apple នឹងបង្ហាញ AirPods 3 នៅក្នុងព្រឹត្តិការណ៍ការប្រកាសផលិតផលថ្មីនេះ។ ការលេចធ្លាយនិងពាក្យចចាមអារ៉ាមមុនៗបានចង្អុលបង្ហាញ អំពីសែស្រឡាយទូរសព្ទ iPhone 13 ដែលនឹងរួមបញ្ចូលទាំងម៉ូឌែលចំនួនបួន ដែលមានទំហំដូចគ្នានឹងម៉ូឌែលឆ្នាំមុន។ ទូរសព្ទថ្មីនេះត្រូវបានគេរំពឹងថា នឹងមានកាមេរ៉ាប្រសើរឡើង ដែលរួមមានការថតវីដេអូបែប portrait និងមុខងារថតផ្កាយ astrophotography, ការធ្វើឲ្យប្រសើរឡើងនូវឡេនទូលាយ, និងការពង្រីក optical zoom សម្រាប់វីដេអូកាន់តែប្រសើរ។

ពាក្យចចាមអារ៉ាមផ្សេងទៀតចំពោះ Apple Watch 7 កំពុងត្រូវបានគេទស្សន៍ទាយថា នឹងមានដំណើរការលឿនជាងមុន និងការរចនាផ្នែក hardware ថ្មី រួមជាមួយផ្ទៃអេក្រង់ធំជាងមុន។ ហើយ iPad Mini ត្រូវបានគេរំពឹងថា នឹងទទួលបានការរចនាឡើងវិញដ៏ធំផងដែរ។ ព្រឹត្តិការណ៍ប្រកាសផលិតផលថ្មីនេះនឹងត្រូវធ្វើឡើងនៅថ្ងៃទី១៥ ខែកញ្ញា វេលាម៉ោង១២កណ្ដាលអធ្រាត្រ (ពេលវេលានៅកម្ពុជា) ហើយវាជាព្រឹត្តិការណ៍នឹងប្រព្រឹត្តិទៅនៅ Apple Park៕

រូបតំណាងសេរ៊ី iPhone 13
រូបតំណាងសេរ៊ី iPhone 13

ប្រភព: The Verge

Chhen Hangly
H.L

អត្ថបទទាក់ទង

//s9.kh1.co/ef/ef760b0f811b181012cac2058b3a6e5f6a63de52.jpg

ក្រុមហ៊ុន Epson សូមណែនាំ EcoBear ជាទូតសុច្ឆន្ទៈតំណាងឱ្យម៉ាស៊ីនព្រីនម៉ូឌែល EcoTank និងបានត្រៀមខ្លួនជាស្រេចដើម្បីនាំយកបច្ចេកវិទ្យាមិនប៉ះពាល់បរិស្ថានដល់វិស័យអាជីវកម្មកម្ពុជា

 ២១-មីនា-២០២៤ 
 ១ល្ងាច · ៨ ថ្ងៃមុន
រក្សាសិទ្ធិ Mediaload
Powered by Bong I.T Bong I.T