លើកមុនល្បីTaewមុខដូចEx តែពេលនេះមុខនាងស្រដៀងគូស្នេហ៍ថ្មីខ្លាំង

ភ្នំពេញ៖ តារាសម្ដែងស្រីដ៏ល្បីប្រាំប៉ុស្ដិ៍ទូរទស្សន៍លេខ៣ Taew Natapohn បច្ចុប្បន្នកំពុងសាងស្នេហ៍ជាមួយបុរសហាយសូរ ក្រោយបែកពីសង្សារចាស់។ បើគិតពីទំនាក់ទំនងរបស់តារារូបនេះ និងគូស្នេហ៍ អ្នកទាំងពីរបានទាក់ទងមើលចិត្តគ្នាបានរយៈពេល១ឆ្នាំហើយ បើគិតចាប់ពីថ្ងៃទី១៥ ខែ ឧសភា ឆ្នាំ២០២០ មកទល់ពេលនេះ។

ពិតណាស់ បើទោះបី Taew ទើបតែមានទំនាក់ទំនងស្នេហាជាមួយកម្លោះហាយសូរ តែនាងពិតជាមានភាពស្និទ្ធស្នាលជាមួយគូស្នេហ៍។ ជាពិសេស តារារូបនេះ តែងតែបង្ហោះរូបភាពគូ បង្ហាញពីសកម្មភាពផ្អែមល្ហែមជាមួយគ្នាស្ទើរតែគ្រប់ពេលទៅហើយ។ លើសពីនេះទៅទៀត គេក៏ឧស្សាហ៍ឃើញគូស្នេហ៍មួយគូនេះ និយមដឹកដៃគ្នាដើរលេងកម្សាន្ត ដើម្បីលំហែកាយជាញឹកញាប់ទៀតផង។

ជាក់ស្ដែង ជឿជាក់ថា ប្រិយមិត្តច្បាស់ជាធា្លប់បានឮរួចមកហើយ អំពីរឿងគូស្នេហ៍ ឬប្ដីប្រពន្ធ ពេលនៅក្បែរគ្នាយូរៗទៅ មានចំណុចជាច្រើនដូចគ្នា ជាពិសេសមុខមាត់គឺកាន់តែស្រដៀងគ្នា។ ក្នុងនោះដែរ គេសង្កេតឃើញរូបភាពថ្មីដែរ Taew ទើបនឹងបង្ហោះរូបជាមួយសង្សារ មើលទៅអ្នកទាំងពីរពិតជាមានមុខស្រដៀងគ្នា ដូចជាមុខមាត់ កែវភ្នែក និងស្នាមញញឹមតែម្ដង។ ជាមួយគ្នានេះដែរ ថ្វីត្បិតមិនដូចមួយរយភាគរយ តែមើលមុខគូស្នេហ៍មួយគូនេះកាន់តែយូរ កាន់តែដូចគ្នា៕

សូមទស្សនារូបភាពខាងក្រោម៖