បរទេស៖ កាលពីខែមីនា អ្នកវិភាគ លោក Ming-Chi Kuo បានអះអាងថា យ៉ាងហោចណាស់មានម៉ូឌែល iPhone 14 ខ្លះ នឹងលែងមានស្នាមឆក និងជំនួសមកវិញនូវឡេនកាមេរ៉ាទំលុះអេក្រង់ខាងមុខ ហើយអ្នកទម្លាយឈ្មោះ Jon Prosser ឥឡូវនេះបាននិយាយឡើងវិញ នូវពាក្យចចាមអារ៉ាមនេះ។

លោក Prosser ក៏បានអះអាងផងដែរថា iPhone 14 នឹងមានតួក្រាស់ជាងមុន ដើម្បីបំបាត់កុំឲ្យកាមេរ៉ាខាងក្រោយលៀនចេញមកដូចមុន មានស៊ុមទីតាញ៉ូម ប៊ូតុងចុចសំឡេងរាងមូល និងរចនាឡើងវិញនូវសំណាញ់ speaker និងមីក្រូហ្វូន។ ដើម្បីជួយសម្រួលដល់ការដកចេញស្នាមឆក អ្នកវិភាគឧស្សាហកម្ម លោក Ross Young បាននិយាយថា ក្រុមហ៊ុន Apple មានគម្រោងផ្លាស់ប្ដូរ sensors របស់ Face ID ដាក់បង្កប់នៅខាងក្រោមផ្ទៃអេក្រង់ លើម៉ូឌែល iPhone 14 Pro ទោះបីជាគាត់និយាយថាមុខងារនេះមិនទាន់ដាក់សម្រេចនៅឡើយ ផែនការអាចនឹងមានការផ្លាស់ប្ដូរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Young បាននិយាយថា វាមានភាពងាយស្រួលជាងមុនសម្រាប់ Apple ក្នុងការបង្កប់ sensors របស់ Face ID នៅខាងក្រោមអេក្រង់ ដែលគេអាចលើកឡើងបានថា ម៉ូឌែល iPhone 14 ត្រូវបានរំពឹងថា នឹងមានឡេនកាមេរ៉ាទម្លុះអេក្រង់នៅខាងមុខ៕

រូបតំណាង
រូបតំណាង

ប្រភព: MacRumors

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]