បរទេស៖ ក្រុមហ៊ុនហ្វេសប៊ុកបានបញ្ចេញវ៉ែនតាវៃឆ្លាតដំបូងរបស់ខ្លួន នៅថ្ងៃព្រហស្បតិ៍ ក្នុងជំហានឆ្ពោះទៅរកគោលដៅនៃការផ្ដល់ជូនទស្សនីយភាពពិតជាក់ស្ដែង។ វ៉ែនតានេះត្រូវបានបង្កើតឡើង ដោយសហការជាមួយអ្នកបង្កើតវ៉ែនតា Ray-Ban គឺក្រុមហ៊ុន EssilorLuxottica ហើយវាអនុញ្ញាតឲ្យអ្នកពាក់ អាចស្ដាប់តន្ត្រី ធ្វើការខលឬថតរូបភាពនិងវីដេអូខ្លីៗ ហើយចែករំលែកវាទៅកាន់សេវាកម្មហ្វេសប៊ុកតាមរយៈកម្មវិធី។

ហ្វេសប៊ុកបាននិយាយថា វ៉ែនតានេះត្រូវបានគេហៅថា "Ray-Ban Stories" នឹងចាប់ផ្ដើមពីតម្លៃ២៩៩ដុល្លារ។ វ៉ែនតាមួយនេះរួមមានជំនួយការនិម្មិត ដែលអាចជួយយើងថតរូបភាពនិងវីដេអូ ដោយមិនបាច់ប្រើដៃ តាមរយៈការបញ្ជាដោយសំឡេង។ ហ្វេសប៊ុកនិយាយថា ពន្លឺ LED នៅលើវ៉ែនតានឹងបង្ហាញឡើង នៅពេលកាមេរ៉ាបើក ដើម្បីឲ្យមនុស្សផ្សេងទៀតដឹងថា អ្នកពាក់កំពុងថតរូបភាពឬក៏វីដេអូ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រូបភាព
រូបភាព
វិដេអូ

ប្រភព: Reuters

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]