ថៃ៖ បុរសម្នាក់ជាជនជាតិហូឡង់ឈ្មោះថា Jonannes van Rossum អាយុ៧៧ឆ្នាំ បានផឹកស្រាបៀរអស់ចំនួន៥ដបនៅបារ៍មួយកន្លែង និងបានព្យាយាមជិះម៉ូតូដោយខ្លួនឯង ទាំងដែលស្ថិតក្នុងស្ថានភាពស្រវឹងទៅផ្ទះវិញនៅឯខេត្ត Phetchaburi កាលពីថ្ងៃទី៣១ ខែសីហាកន្លងទៅ។ នេះបើយោងតាមការចុះផ្សាយរបស់សារព័ត៌មាន Ladbible កាលពីម្សិលមិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំណែកប្រពន្ធរបស់គាត់ ក្រោយពីមិនឃើញប្ដីត្រលប់មកផ្ទះវិញ ក៏ស្រាប់តែមានការព្រួយបារម្ភ និងធ្វើដំណើរទៅរកដល់បារ៍ តែខាងបារ៍បានប្រាប់ថា ប្ដីរបស់គាត់បានចាកចេញតាំងពីល្ងាចម៉្លេះ។
លុះមកដល់ថ្ងៃទី០១ ខែកញ្ញា បុរសជនជាតិខាងលើបានទំនាក់ទំនងទៅកាន់ប្រពន្ធតាមរយៈទូរសព្ទដៃ និងប្រាប់ថាគាត់កំពុងវង្វេងក្នុងព្រៃមួយកន្លែងមិនស្គាល់ទីតាំង ដោយរងនូវខ្យល់ព្យុះបោកបក់ផងដែរ។ បន្ទាប់ពីបានដំណឹង ប្រពន្ធរបស់គាត់បានរាយការណ៍ទៅកាន់ប៉ូលិសដើម្បីជួយតាមរក ហើយទីបំផុតមានអ្នកស្រុកម្នាក់បានប្រទះឃើញម៉ូតូរបស់គាត់ និងអាចរកគាត់ឃើញវិញនៅថ្ងៃទី០៣ ខែកញ្ញា។
ទន្ទឹមនឹងនោះដែរ គាត់ត្រូវបានមូសខាំជាច្រើនកន្លែងលើរាងកាយ និងបង្ខំចិត្តដេកក្នុងភក់ដោយសារតែខ្យល់ព្យុះផងដែរ។ ហើយគាត់ក៏បាននិយាយដែរថា៖
ខ្ញុំគិតថាខ្ញុំប្រហែលជាអាចនឹងស្លាប់ ហើយទូរសព្ទដៃក៏អស់ថ្ម ម៉ូតូអស់សាំង គ្មានចំណីអាហារ និងបូករួមទាំងភ្លៀងទៀត។ ខ្ញុំពិតជាសប្បាយចិត្តយ៉ាងខ្លាំង នៅពេលបានឮសូរសំឡេងអ្នកស្រុកផង។ នៅថ្ងៃកើតហេតុ ខ្ញុំចេញក្រៅដើម្បីផឹកស្រាបៀរ និងត្រលប់ទៅផ្ទះវិញ ដោយបត់ខុសផ្លូវ ហើយមេឃក៏ចាប់ផ្ដើមភ្លៀង៕
ប្រភព: Ladbible
សូមទស្សនារូបភាពខាងក្រោម៖
Bong I.T