បរទេស៖ ក្រុមហ៊ុន LG មើលទៅហាក់ដូចជាដកខ្លួនចេញពីវិស័យទូរសព្ទ នៅដើមឆ្នាំនេះ ប៉ុន្តែក្នុងនាមជាក្រុមហ៊ុនមេហ្គាខបអន្តរជាតិដ៏មហិមា ខ្លួននៅតែមានឥទ្ធិពល។ ក្រុមហ៊ុន LG Chem ដែលជាសាខារបស់ក្រុមហ៊ុន ដែលអភិវឌ្ឍប្រព័ន្ធសម្ភារៈនិងថាមពលថ្មី មានអ្វីថ្មីមកកាន់គូប្រជែង នោះគឺបន្ទះថ្មីដែលអាចពត់ដូចប្លាស្ទិក ខណៈពេលដែលវារឹងដូចកញ្ចក់។

ក្រុមហ៊ុន LG Chem និយាយថា គម្របបន្ទះបង្ហាញនេះគឺរឹងដូចកញ្ចក់ស្ដង់ដារ ខណៈពេលវាផ្ដល់នូវភាពបត់បែន សម្រាប់បន្ទះបង្ហាញអេក្រង់បត់។ បន្ទះវត្ថុធាតុនេះគឺមានកម្រាស់តែប៉ុន្មានមីក្រូម៉ែត្រ ហើយត្រូវបានគេវាយតម្លៃថា អាចបត់បានជាង២០០,០០០ដង មុនពេលមានបញ្ហា។ អ្នកអាចបើកពន្លាទូរសព្ទមួយរយដងក្នុងមួយថ្ងៃ រយៈពេល៥ឆ្នាំ នៅតែមិនទាន់មានបញ្ហា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទះវត្ថុធាតុ Real Folding Window មិនមែនជាអេក្រង់ខ្លួនឯងទេ តែជាធាតុផ្សំដ៏ស្មុគស្មាញមួយទៀតនៃការរចនាទូរសព្ទ ដែលអាចបត់បែនបាន ហើយវាគ្រាន់តែធាតុការពារដែលគ្របលើអេក្រង់និងឧបករណ៍ឌីជីថល។ ក្រុមហ៊ុន LG សង្ឃឹមថា នឹងចាប់ផ្ដើមផលិតបន្ទះវត្ថុធាតុ Real Folding Window នៅឆ្នាំក្រោយ ជាមួយនឹងការលក់ពេញលេញនៅឆ្នាំ២០២៣៕

រូបភាព

ប្រភព: Android Police

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]