អង់គ្លេស៖ ស្ត្រីមួយក្រុមមានគ្នា៧០នាក់ បានស្លៀកនូវឈុតកូនក្រមុំ និងរៀបការជាមួយដើមឈើ៧៤ដើម នៅឧទ្យាន Caravan ក្នុងទីក្រុង Bristol ប្រទេសអង់គ្លេស ក្នុងគោលបំណងចង់រារាំងក្រុមហ៊ុនអភិវឌ្ឍ ពីការកាប់បំផ្លាញចោល ដើម្បីសាសង់សំណង់អគារអាផាមិនចំនួន១៦៦ និងតម្លៃប្រមាណ៧៥.៧លានដុល្លារអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង អ្នករៀបចំសកម្មភាពដ៏គួរឲ្យភ្ញាក់ផ្អើលនេះ បានឲ្យដឹង ការរៀបការជាមួយដើមឈើ គឺធ្វើឡើងចង់បង្ហាញឲ្យគេគ្រប់គ្នាឃើញថា ដើមឈើជាដៃគូរបស់យើង សម្រាប់ជីវិត។ ងាកទៅកាន់ស្ត្រីម្នាក់ទៀត បានបន្ថែមថា វាមិនមែនគ្រាន់តែជាកាយវិការមនោសញ្ចេតនាឡើយ ដោយមានបង្កប់នូវអត្ថន័យ និងនិមិត្តសញ្ញាខ្ពស់ផងដែរ ហើយដើមឈើគឺជាឧទាហរណ៍ដ៏បរិសុទ្ធនៃសេចក្ដីស្រលាញ់ ដែលគ្មានលក្ខខណ្ឌ និងមានភាពស្រស់ស្អាត។
យ៉ាងណាមិញ អ្នកនាំពាក្យក្រុមប្រឹក្សាក្នុងទីក្រុង បាននិយាយថា ដោយសារតែការស្នើសុំផែនការសម្រាប់គម្រោងសាងសង់ស្ថិតក្រោមការពិចារណានៅឡើយ ដូច្នេះគេមិនអាចធ្វើការអត្ថាធិប្បាយអ្វីបានឡើយ៕
ប្រភព: Daily Mail
សូមទស្សនារូបភាពខាងក្រោម៖