កំពង់ឆ្នាំង៖ ក្រុមគ្រូពេទ្យនៃមន្ទីរសុខាភិបាលខេត្តកំពង់ឆ្នាំង បានឱ្យដឹងថា នៅរសៀលថ្ងៃទី០៧ ខែកញ្ញា ឆ្នាំ២០២១ គ្រូពេទ្យខេត្តកំពង់ឆ្នាំង បានចុះយកសំណាកលើអាជីវករផ្សារលើកំពង់ឆ្នាំង ចំនួន ៨៨នាក់ និងរកឃើញវិជ្ជមានកូវីដ១៩ចំនួន ១១នាក់បន្ថែមទៀត បន្ទាប់ពីមានស្ត្រីម្នាក់ជាអាជីវករផ្សារលើបានស្លាប់កាលពីយប់ថ្ងៃទី០៦ ខែកញ្ញា ឆ្នាំ២០២១ ដោយសារជំងឺកូវីដ១៩ បំប្លែងថ្មីប្រភេទដែលតា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលទ្ធផលវិជ្ជមានទាំង ១១នាក់នេះ មិនទាន់អាចបញ្ជាក់ថាជាករណីឆ្លងកូវីដ១៩ធម្មតា ឬបំប្លែងថ្មីប្រភេទដែលតា នោះទេ ដោយត្រូវបញ្ជូនសំណាកទាំងនោះទៅធ្វើវិភាគនៅវិទ្យាដ្ឋានប៉ាស្ទ័រក្រុងភ្នំពេញ ។ យ៉ាងណាមិញ អាជ្ញាធរសូមអំពាវនាវដល់បងប្អូនប្រជាពលរដ្ឋ បង្កើនការប្រុងប្រយ័ត្នឱ្យបានខ្ពស់ ដោយត្រូវអនុវត្តវិធានការរបស់ប្រមុខរាជរដ្ឋាភិបាល និងក្រសួងសុខាភិបាល ៣កុំ ៣ការពារឲ្យបានខ្ជាប់ខ្ជួន៕
ប្រភព៖ កម្ពុជាថ្មី