បរទេស៖ របាយការណ៍ថ្មីមួយបានបង្ហាញថា អ្នកប្រើប្រាស់កម្មវិធីនៅចក្រភពអង់គ្លេសនិងសហរដ្ឋអាមេរិក កំពុងចំណាយពេលលើតិកតុកច្រើនជាងនៅលើយូធូប។ ទិន្នន័យពីក្រុមហ៊ុនត្រួតពិនិត្យកម្មវិធី App Annie បង្ហាញថា ពេលវេលាជាមធ្យមសម្រាប់អ្នកប្រើប្រាស់ម្នាក់ បានចំណាយខ្ពស់បំផុតទៅលើកម្មវិធីតិកតុក ដែលបង្ហាញពីកម្រិតនៃការចូលរួមខ្ពស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះជាយ៉ាងណាក៏ដោយ យូធូបនៅតែរក្សាចំណាត់ថ្នាក់កំពូល សម្រាប់ពេលវេលាសរុបដែលបានចំណាយ មិនមែនសម្រាប់អ្នកប្រើប្រាស់ម្នាក់ទេ ព្រោះវាមានអ្នកប្រើប្រាស់ច្រើន។ ក្រុមហ៊ុន Google ដែលគ្រប់គ្រងយូធូបបានប៉ាន់ស្មានថា មានអ្នកប្រើប្រាស់ប្រមាណ២ពាន់លាននាក់ប្រចាំខែ ខណៈតួលេខសាធារណៈចុងក្រោយរបស់តិកតុកបានបង្ហាញថា វាមានប្រហែល៧០០លាននាក់នៅពាក់កណ្ដាលឆ្នាំ២០២០។
គួរបញ្ជាក់ថា ក្រុមហ៊ុន App Annie មានជំនាញក្នុងការវិភាគទីផ្សារកម្មវិធី។ ពេលវេលាចំណាយនៅក្នុងរបាយការណ៍នេះគ្រាន់តែរាប់ចំពោះទូរសព្ទ Android ប៉ុណ្ណោះ ប៉ុន្តែក៏មិនទាន់បានរាប់បញ្ចូលនៅក្នុងប្រទេសចិន ដែលតិកតុកត្រូវបានស្គាល់ថាជាកម្មវិធីមានឈ្មោះថា Douyin៕
ប្រភព: BBC