អតីតវិស្វករអង្គការណាសា ចំណាយពេលមួយឆ្នាំ ក្នុងការបង្កើតភ្នំភ្លើងស្លែមខ្ពស់ជាងគេបំផុតលើពិភពលោក (មានវីដេអូ)

អាមេរិក៖ អតីតវិស្វកររបស់អង្គការណាសាម្នាក់ឈ្មោះ បានចំណាយអស់រយៈពេល១២ខែ ក្នុងការបង្កើតភ្នំភ្លើងស្លែម ក្រោយពីការប៉ុនប៉ងចង់បំបែកឯតទគ្គកម្មពិភពលោកកាលពីឆ្នាំមុន ដែលធ្វើឲ្យផ្ទុះឡើងទៅលើអាកាសត្រឹមតែប្រមាណ១៨ម៉ែត្រប៉ុណ្ណោះ។

តាមប្រភពព័ត៌មានបានឲ្យដឹងថា លោក Mark Rober បានបំបែកឯតទគ្គកម្មចាស់ផ្ទាល់ខ្លួនរបស់គាត់កាលពីថ្មីៗនេះ ដោយធ្វើឲ្យភ្នំភ្លើងស្លែមពណ៌បៃតងផ្ទុះទៅលើអាកាសមានប្រវែងប្រមាណ៧៦ម៉ែត្រឯណោះ នៅទីក្រុង Gridley ក្នុងរដ្ឋកាលីហ្វ័រញ៉ា។ ហើយចំពោះមូលហេតុដែលបរាជ័យកាលពីឆ្នាំមុន គឺដោយសារតែគាត់បរាជ័យក្នុងការធ្វើឲ្យកម្លាំងប្រតិកម្មកើនឡើងមិនខ្លាំងប៉ុណ្ណោះ។

យ៉ាងណាមិញ ជុំវិញការបំផ្ទុះភ្នំភ្លើងស្លែមខាងលើ មិនបានបង្កឲ្យមានការគ្រោះថ្នាក់ដល់នរណាម្នាក់ឡើយ ដោយគាត់បានសិក្សា និងស្វែងយល់យ៉ាងច្បាស់នៃការបង្កើតវា ហើយគាត់ក៏បានជ្រើសរើសទីតាំង ដែលមានទីធ្លាធំទូលាយផងដែរ៕

ប្រភព: Daily Mail

សូមទស្សនារូបភាពនិងវីដេអូខាងក្រោម៖

ទស្សនាការបំផ្ទុះនៅនាទីទី១២:៥០