កាន់តែកៀកថ្ងៃសម្រាល​ Mew បង្អួតផ្ទៃពោះ​ប៉ោងធំច្បាស់ៗ​ ក៏នៅតែមើលទៅស្រស់ស្អាត​

ថៃ៖ ក្រោយពេលរៀបការជាមួយស្វាមីដ៏ល្អ រយៈពេលជាយូរមកនេះ បច្ចុប្បន្ន តារាសម្ដែងដ៏មានប្រជាប្រិយភាព នាង Mew Nittha ក៏កំពុងមានផ្ទៃពោះកូនក្នុងផ្ទៃជាលើកដំបូង ហើយពេលនេះក៏មានរយៈពេលជាង ៧ខែ កាន់តែជិតដល់ថ្ងៃសម្រាលផងដែរ។

ស្របគ្នានេះដែរ ពីមួយថ្ងៃទៅមួយថ្ងៃ Mew ក៏តែងតែបង្ហាញសកម្មភាពនានា ទាំងការទទួលបានការយកចិត្តទុកដាក់ពីស្វាមីនាង ពិសេស Mew ក៏ឧស្សាហ៍បង្អួតសម្រស់អំឡុងពេលមានផ្ទៃពោះ យ៉ាងស្រស់ស្អាតជាញកញាប់នៅលើបណ្ដាញសង្គម។

ជាក់ស្ដែង ថ្មីៗនេះ Mew ទើបតែបង្ហោះរូបភាពមួយចំនួន ដែលបង្ហាញពីផ្ទៃពោះដ៏ធំរបស់នាងយ៉ាងច្បាស់ៗ ថតបញ្ចេញស្ទាយ៍ញញឹមយ៉ាងរីករាយ ហាក់កំពុងរង់ចាំស្វាគន៍វត្តមានកូនដំបូងរបស់នាងនាពេលឆាប់ៗនេះ មើលទៅគ្រប់រូបភាពទាំងនោះ ទោះបីជាកំពុងពពោះពិតមែន តែ Mew នៅតែមើលទៅស្អាតដដែលមិនចាញ់ពីមុនឡើយ៕

សូមទស្សនារូបភាពខាងក្រោម៖