ជប៉ុន៖ ក្រុមហ៊ុន Toyota កំពុងបន្តប្រតិបត្តិការយានយន្តស្វ័យប្រវត្តិរបស់ខ្លួន នៅឯភូមិកីឡាប៉ារ៉ាឡាំពិក នៅទីក្រុងតូក្យូ បន្ទាប់ពីជួបឧប្បទ្ទវហេតុ។ សេវាកម្មរថយន្ត e-Palette ត្រូវបានបញ្ឈប់ បន្ទាប់ពីរថយន្តមួយគ្រឿងបានបុកអត្តពលិកពិការភ្នែក កាលពីសប្ដាហ៍មុន។ អត្តពលិករូបនេះមិនរងរបួសធ្ងន់ធ្ងរទេ ប៉ុន្តែគាត់ត្រូវដកខ្លួនចេញពីព្រឹត្តិការណ៍ ដោយសារតែរបួសនិងស្នាមជាំ។

លោក Aramitsu Kitazono សមាជិកក្រុមកីឡាយូដូរបស់ប្រទេសជប៉ុនបានរងរបួស នៅពេលដែលគាត់កំពុងដើរឆ្លងកាត់ផ្លូវថ្មើរជើង កាលពីថ្ងៃព្រហស្បតិ៍។ លោក Kitazono មិនអាចប្រកួតក្នុងប្រភេទទម្ងន់៨១គីឡូក្រាមរបស់គាត់បានទេ ដោយសារតែគ្រោះថ្នាក់នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រថយន្ត e-Palette បើកបរដោយស្វ័យប្រវត្តិ

នៅក្នុងសេចក្ដីថ្លែងការណ៍មួយកាលពីថ្ងៃចន្ទ ក្រុមហ៊ុន Toyota បាននិយាយថា ឧបករណ៍ចាប់សញ្ញាបានដឹងថា មានគំនូសផ្លូវសម្រាប់អ្នកថ្មើរជើង ហើយឲ្យហ្វ្រាំងធ្វើសកម្មភាពស្វ័យប្រវត្តិ និងប្រតិបត្តិករក៏បានប្រើហ្វ្រាំងសង្គ្រោះបន្ទាន់ផងដែរ។ ទោះជាយ៉ាងណា យានយន្តនិងអ្នកថ្មើរជើងបានប៉ះគ្នា មុនពេលវាឈប់ទាំងស្រុង។ ក្រុមហ៊ុនបាននិយាយថា ឥឡូវនេះប្រតិបត្តិករនឹងត្រូវបានឲ្យគ្រប់គ្រងលើល្បឿនធ្វើដំណើររបស់យានយន្ត ដោយមានសមាជិកចំនួនពីរនាក់នៅលើយានយន្ត ជាជាងចំនួនមួយនាក់ ដើម្បីជួយរកមើលអ្នកថ្មើរជើង។

មុខងារសុវត្ថិភាពថ្មីនឹងរួមបញ្ចូលសំឡេងព្រមានកាន់តែលឺ ស្របពេលមគ្គុទ្ទេសក៍ថ្មើរជើងនៅឯផ្លូវឆ្លងកាត់ដ៏មមាញឹក នឹងត្រូវបង្កើនទៅដល់ចំនួន២០ពីចំនួន៦។ ក្រុមហ៊ុន Toyota បាននិយាយផងដែរថា ខ្លួននឹងបន្តធ្វើឲ្យប្រសើរឡើងនូវសុវត្ថិភាពជារៀងរាល់ថ្ងៃ រហូតដល់ភូមិកីឡាត្រូវបានបិទ៕

ប្រភព: BBC

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យានជំនិះ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]